ഇൻഡോർ. വിമാനയാത്രയ്ക്കിടെ വായിൽ രക്തസ്രാവം ഉണ്ടായ അറുപതുകാരൻ മരിച്ചു. മഥുരയിൽനിന്ന് ഡൽഹിയിലേക്കുള്ള ഇൻഡിഗോ വിമാനത്തിൽ വച്ചാണ് അതുൽ ഗുപ്ത എന്ന യാത്രക്കാരന് വായിൽ രക്തസ്രാവം അനുഭവപ്പെട്ടത്. യാത്ര തുടരുന്നതിനിടെ അതുലിന്റെ ആരോഗ്യനില വഷളായതിനെ തുടർന്ന് വിമാനം ഇൻഡോർ വിമാനത്താവളത്തിലേക്കു വഴിതിരിച്ചുവിട്ടു.
വിമാനത്താവളത്തിൽനിന്ന് ഉടൻ തന്നെ ആശുപത്രിയിൽ എത്തിച്ചെങ്കിലും അതുലിനെ രക്ഷിക്കാനായില്ല. ആശുപത്രിയിൽ എത്തിക്കുമ്പോൾ അതുൽ മരിച്ചിരുന്നതായി ഡോക്ടർമാർ അറിയിച്ചു. ശനിയാഴ്ച വൈകിട്ടാണ് സംഭവം. നോയിഡ സ്വദേശിയായ അതുലിന്റെ മൃതദേഹം ബന്ധുക്കൾക്കു കൈമാറി.
അതുലിന് മുമ്പ് തന്നെ ഹൃദ്രോഗവും ഉയർന്ന രക്തസമ്മർദവും പ്രമേഹവും ഉണ്ടായിരുന്നതായി ഡോക്ടർമാർ അറിയിച്ചതായി വിമാനത്താവള ഡയറക്ടർ പ്രബോദ് ചന്ദ്ര ശർമ പറഞ്ഞു.
