ചണ്ഡീഗഢ്:കല്ക്കരി ക്ഷാമത്തെ തുടര്ന്നുണ്ടായ പ്രതിസന്ധിയെത്തുടര്ന്ന് മഹാരാഷ്ട്രയിലെ പതിമൂന്ന് താപവൈദ്യുത പ്ലാന്റ് യൂണിറ്റുകളും പഞ്ചാബില് മൂന്ന് താപവൈദ്യുത നിലയങ്ങളും അടച്ചുപൂട്ടി. യൂണിറ്റുകളും പഞ്ചാബില് മൂന്ന് താപവൈദ്യുത നിലയങ്ങളും അടച്ചുപൂട്ടി. 3330 മെഗാവാട്ടിന്റെ ക്ഷാമമാണ് ഇപ്പോള് മഹാരാഷ്ട്ര നേരിടുന്നത്. അടിയന്തര സാഹചര്യത്തെ നേരിടാന് ഹൈഡ്രോപവര് യൂണിറ്റുകളില് നിന്ന് വൈദ്യുതി എത്തിക്കാനുള്ള ശ്രമങ്ങള് തുടരുകയാണെന്ന് മഹാരാഷ്ട്ര വൈദ്യുത സ്റ്റേറ്റ് ഇലക്ട്രിസിറ്റ് കമ്മീഷന് വ്യക്തമാക്കി. സംസ്ഥാനത്തെ ജനങ്ങള് രാവിലെ 6 മുതല് 10 വരേയും വൈകുന്നേരം 6 മുതല് പത്ത് വരേയും വൈദ്യുതി സൂക്ഷിച്ച് ഉപയോഗിക്കണമെന്നും ഡിപ്പാര്ട്ട്മെന്റ് ആവശ്യപ്പെട്ടു.
കല്ക്കരി ക്ഷാമത്തെ തുടര്ന്ന് മൂന്ന് താപവൈദ്യുത നിലയങ്ങള് അടച്ചുപൂട്ടിയെന്ന് പഞ്ചാബ് സര്ക്കാര്. സംസ്ഥാനത്തിനുള്ള കല്ക്കരി വിതരണം വര്ധിപ്പിക്കണമെന്നും മുഖ്യമന്ത്രി ചരണ്ജിത്ത് സിങ് ചന്നി ആവശ്യപ്പെട്ടു. 5620 മെഗാവാട്ട് ആണ് പഞ്ചാബിലെ താപവൈദ്യുതി നിലയങ്ങളുടെ ആകെ ഉത്പാദനശേഷി.രൂപ്നഗര്, രജ്പുര, തല്വാണ്ടി സബോ, ഗോയിന്ദ്വാള് സാഹിബ് എന്നീ പ്ലാന്റുകള് മാത്രമാണ് ഇപ്പോള് ഏതാനും ദിവസങ്ങളായി പ്രവര്ത്തിക്കുന്നത്.
കല്ക്കരി ക്ഷാമത്തെ തുടര്ന്ന് മൂന്ന് പ്ലാന്റുകളും സാങ്കേതിക പ്രശ്നങ്ങളെ തുടര്ന്ന് രണ്ട് പ്ലാന്റുകളും അടച്ചുപൂട്ടാന് നിര്ബന്ധിതരായെന്ന് മുഖ്യമന്ത്രി വിശദീകരിച്ചു.വൈദ്യുതി ക്ഷാമത്തെ നേരിടാന് ഇപ്പോള് അയല് സംസ്ഥാനങ്ങളില് നിന്നും സ്വകാര്യ കേന്ദ്രങ്ങളില് നിന്നുമാണ് പഞ്ചാബ് വൈദ്യുതി വാങ്ങുന്നത്.