മലപ്പുറം: മഞ്ഞപ്പിത്തം ബാധിച്ച് ചികിത്സയിലിരിക്കെ യുവാവ് മരിച്ചു. എടക്കരയിൽ ചുങ്കത്തറ സ്വദേശി തെജിൻ സാൻ(22) ആണ് മരിച്ചത്. രോഗബാധയെ തുടർന്ന് കോഴിക്കോട് സ്വകാര്യ ആശുപത്രിയിൽ ചികിത്സയിലിരിക്കെ ആയിരുന്നു മരണം. മലപ്പുറത്ത് മഞ്ഞപ്പിത്തം ബാധിച്ച് മരണപ്പെടുന്ന പതിനാലാമത്തെ ആളാണ് തെജിൻ സാൻ.
സംസ്ഥാനത്ത് ഈ വര്‍ഷം ഇതുവരെ മഞ്ഞപ്പിത്തം സ്ഥിരീകരിച്ചത് 1,977 പേർക്കെന്നാണ് ആരോഗ്യ വകുപ്പിന്റെ കണക്ക്. രോഗബാധിതർ വൻതോതിൽ ഉയർന്നിട്ടും അസാധാരണമായ സാഹചര്യം ഇല്ലെന്നാണ് ആരോഗ്യവകുപ്പിന്റെ വിലയിരുത്തൽ.
സംസ്ഥാനത്തിന്റെ കഴിഞ്ഞ ദിവസവും മഞ്ഞപ്പിത്ത ബാധ മൂലം ഒരാൾ മരിച്ചു തിങ്കളാഴ്ച മഞ്ഞപ്പിത്തം ബാധിച്ച് എറണാകുളം വേങ്ങൂരിൽ വീട്ടമ്മ മരിച്ചിരുന്നു. ജനുവരി മുതൽ ഇതുവരെ മലപ്പുറം ജില്ലയിൽ 4000 പേർക്കാണ് മഞ്ഞപ്പിത്തം ബാധിച്ചത്.
