![anil murali](https://thekarmanews.com/wp-content/uploads/2020/07/anil-murali.jpg)
മലയാള സിനിമ നടന് അനില് മുരളി അന്തരിച്ചു.കരള് രോഗത്തെ തുടര്ന്ന് ചികിത്സയിലായിരുന്നു. കൊച്ചിയിലായിരുന്നു അന്ത്യം. പ്രൊഡക്ഷന് കണ്ട്രോളര് ബാദുഷ ഫേസ്ബുക്കില് മരണവാര്ത്ത പങ്കുവച്ചു
നിരവധി സിനിമകളില് വില്ലന് കഥാപാത്രങ്ങളിലൂടെ ശ്രദ്ധേയനായിരുന്നു. ടെലിവിഷന് സീരിയല് രംഗത്തുകൂടിയാണ് ഇദ്ദേഹം അഭിനയരംഗത്തെത്തിയത്. മലയാളം, തമിഴ്, തെലുങ്ക് ഭാഷകളിലായി 200 ഓളം സിനിമകളില് അഭിനയിച്ചു. മുരളീധരന് നായരുടെയും ശ്രീകുമാരിയമ്മയുടെയും മകനായി തിരുവനന്തപുരത്ത് ജനിച്ചു.
ടിവി സീരിയലുകളില് അഭിനയിച്ചുതുടങ്ങിയ അനില് 1993ല് വിനയന് സംവിധാനം ചെയ്ത കന്യാകുമാരിയില് ഒരു കവിത എന്ന സിനിമയിലൂടെയാണ് ചലച്ചിത്രരംഗത്തെത്തിയത്. തൊട്ടടുത്ത വര്ഷം ലെനിന് രാജേന്ദ്രന്റെ ദൈവത്തിന്റെ വികൃതികളില് വേഷമിട്ടു. കലാഭവന് മണി നായകനായ വാല്ക്കണ്ണാടി എന്ന ചിത്രത്തിലെ വേഷം ശ്രദ്ധിക്കപ്പെട്ടു.
വാല്ക്കണ്ണാടി, ലയണ്, ബാബാ കല്യാണി, പുത്തന് പണം, ഡബിള് ബാരല്, പോക്കിരി രാജാ, റണ് ബേബി റണ്, അയാളും ഞാനും തമ്മില്, കെഎല് 10 പത്ത്, ഇയ്യോബിന്റെ പുസ്തകം, ജോസഫ്, ഫോറന്സിക് തുടങ്ങിയവയാണ് പ്രധാന ചിത്രങ്ങള്.