മലയാളികളുടെ പ്രിയപ്പെട്ട നടനാണ് ആസിഫ് അലി. നിരവധി ഹിറ്റ് ചിത്രങ്ങൾ ആസിഫ് നായകനായി പുറത്തിറങ്ങി. പത്ത് വർഷം കൊണ്ട അറുപതിൽ അധികം ചിത്രങ്ങളിൽ താരം അഭിനയിച്ചു. കരിയറിൽ തിളങ്ങി നിൽക്കവെയാണ് നടൻ വിവാഹം കഴിക്കുന്നത്. 2013ൽ ആസിഫും സമയും വിവാഹിതർ ആകുന്നത്. ഇപ്പോളിതാ വിവാഹത്തെക്കുറിച്ചും മക്കളെക്കുറിച്ചും തുറന്ന് പറയുകയാണ് താരം
ആസിഫ് അലിയുടെ വാക്കുകൾ ഇങ്ങനെ..
എന്റെ ജീവിതത്തിലേക്ക് കുറേ പെൺകുട്ടികൾ കടന്നുവന്നിട്ടുണ്ട്. അതിപ്പോൾ ഗേൾഫ്രണ്ട്‌സാവണമെന്നില്ല. 
സുഹൃത്തുക്കളാകാം. ടീച്ചേഴ്‌സാവാം. പിന്നെ. ഞാൻ വളരെ ട്രാൻസ്‌പെരന്റാണ്. പഴയ കഥകളൊക്കെ പറയാൻ എനിക്ക് വലിയ ഇഷ്ടമാണ്. പണ്ട് പറ്റിയ അബദ്ധങ്ങളും മറ്റും സമയോട് പറഞ്ഞിട്ടുണ്ട്. മോൻ ആദത്തിന് ആറു വയസായി. മോൾ ഹയയ്ക്ക് മൂന്നു വയസും. അച്ഛനായതിന് ശേഷം ഹോം സിക്ക്നെസ് വന്ന് തുടങ്ങിയതാണ് പ്രധാന മാറ്റം
പുറത്തിറങ്ങുമ്പോൾ പലരും വന്ന് സംസാരിക്കുകയും സെൽഫിയെടുക്കുകയും ചെയ്യാറുണ്ട്. 
ആ സ്‌നേഹത്തിന് എനിക്കിത് വരെ ഒരു മാറ്റവും സംഭവിച്ചിട്ടില്ല. ഒരു പരിചയവുമില്ലാത്ത ആൾക്കാർ എത്ര സ്‌നേഹത്തോടെയാണ് എന്നെ ’ഇക്കാ’ യെന്ന് വിളിക്കുന്നത്. അത് തന്നെ വലിയ അംഗീകാരമാണെന്നും ആസിഫ് അലി പറയുന്നു
