തൃശൂർ: ഇരിങ്ങാലക്കുട പെട്രോൾ പമ്പിൽ ആത്മഹത്യയ്ക്ക് ശ്രമിച്ചയാൾ മരിച്ചു. കാട്ടുങ്ങച്ചിറ സ്വദേശി ഷാനവാസ്(43)ആണ് തൃശൂർ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ മരിച്ചത്. കുടുംബ പ്രശ്നമാണ് ആത്മഹത്യയ്ക്ക് പിന്നിലെന്നാണ് വിവരം. ഇന്നലെ രാത്രിയായിരുന്നു നാടിനെ നടുക്കിയ സംഭവം ഉണ്ടായത്.
ഇരിങ്ങാലക്കുട മറീന ആശുപത്രിക്ക് മുന്വശത്തെ പെട്രോള് പമ്പില് ശനിയാഴ്ച രാത്രി എട്ടു മണിയോടെയായിരുന്നു സംഭവം. സ്കൂട്ടറിലെത്തിയ ഷാനവാസ് കുപ്പിയില് പെട്രോള് ആവശ്യപ്പെട്ടെങ്കിലും ജീവനക്കാര് അതില് നല്കാന് തയ്യാറായില്ല. കാന് കൊണ്ടുവന്നാല് പെട്രോള് നല്കാമെന്നു പറഞ്ഞ് തൊട്ടടുത്ത വണ്ടിയില് പെട്രോള് അടിക്കാന് ജീവനക്കാരന് മാറിയ സമയം പെട്രോള് എടുത്ത് തലയിലൂടെ ഒഴിച്ച് തീ കൊളുത്തുകയായിരുന്നെന്ന് ജീവനക്കാര് പറഞ്ഞു.
യുവാവിന്റെ ദേഹം മുഴുവൻ തീ പടർന്നതോടെ ജീവനക്കാര് പമ്പിലെ അഗ്നിശമന ഉപകരണം ഉപയോഗിച്ച് അണച്ചു. ഇതോടെ വലിയ ദുരന്തം ഒഴിവായി. തൊട്ടടുത്ത മെറീന ആശുപത്രിയില് പ്രവേശിപ്പിച്ചെങ്കിലും പിന്നീട് ഇയാളെ തൃശ്ശൂരിലെ ആശുപത്രിയിലേക്ക് മാറ്റുകയായിരുന്നു. സംഭവമറിഞ്ഞ് അഗ്നി രക്ഷാ സേനയും സ്ഥലത്തെത്തി സംഭവങ്ങൾ വിലയിരുത്തി.