കോട്ടയം : എംജിയിൽ ബിരുദ സർട്ടിഫിക്കറ്റുകൾ കാണാനില്ലെന്ന് പരാതി. സെക്ഷനിൽ വിശദമായ പരിശോധന നടത്താൻ വൈസ് ചാൻസലർ പരീക്ഷ കൺട്രോളർക്ക് നിർദ്ദേശം നൽകി. പേരെഴുതാത്ത ബിരുദ സർട്ടിഫിക്കറ്റ് ഫോർമറ്റുകളാണ് കാണാതായിരുന്നത്. എംജി സർവകലാശാല തന്നെയാണ് ഇക്കാര്യം പുറത്തുവിട്ടത്. ബിരുദ സർട്ടിഫിക്കറ്റ് ഫോർമറ്റുകൾ കണ്ടെത്താനാകാത്ത പക്ഷം പോലീസിൽ പരാതി നൽകാനാണ്
സർവകലാശാലയുടെ തീരുമാനം.
പേരെഴുതാത്ത 54 ബിരുദ സർട്ടിഫിക്കറ്റ് ഫോർമാറ്റുകളാണ് എംജി സർവകലാശാലയിൽ നിന്ന് കാണാതായത്. സർട്ടിഫിക്കറ്റുകൾ ബന്ധപ്പെട്ട സെക്ഷനിൽ തന്നെ മറ്റെവിടെയെങ്കിലും സ്ഥാനം മാറി പോയതാണോ എന്നാണ് ഇപ്പോൾ പരിശോധിക്കുന്നത്.
ഇക്കാര്യം സ്ഥിരീകരിച്ച ശേഷമായിരിക്കും പോലീസിനെ വിവരമറിയിക്കുക. വളരെ അധികം ഗൗരവത്തോടെ കൈകാര്യം ചെയ്യേണ്ടിയിരുന്ന സർട്ടിഫിക്കറ്റ് ഫോർമറ്റുകളാണ് കാണാതായിരുന്നത്. ഇത് കാണാതായ സംഭവത്തിൽ കടുത്ത സുരക്ഷാ വീഴ്ചയാണ് ബന്ധപ്പെട്ട അധികൃതരുടെ ഭാഗത്ത് നിന്ന് ഉണ്ടായിട്ടുള്ളത്.
