രാജ്യത്ത് ഇന്ധന വില റെക്കോര്ഡും പിന്നിട്ട് കുതിക്കുന്നു. തുടര്ച്ചയായി പത്താംദിവസമാണ് ഇന്ധനവില വര്ധിപ്പിച്ചത്. പെട്രോളിന് 25 പൈസയും ഡീസലിന് 26 പൈസയുമാണ് വര്ധിപ്പിച്ചത്. ഡീസലിന് 10 ദിവസംകൊണ്ട് 2.70 രൂപയും പെട്രോളിന് 1.45 രൂപയുമാണ് വര്ധിച്ചത്. കൊച്ചിയില് പെട്രോള് വില ഇന്ന് 89 രൂപ 70 പൈസയായി. ഡീസല് വില ലിറ്ററിന് 84 രൂപ 32 പൈസയായി. അധികം വൈകാതെ തന്നെ ഇന്ധന വില 100 തൊടുമെന്ന രീതിയിലാണ് വിലവർദ്ധനവ് തുടരുന്നത്.
ഇന്ധന വില കുതിപ്പ് തുടരുന്നതിനാൽ സാമ്പത്തിക ചെലവ് വലിയ തോതില് വര്ധിക്കുമെന്ന ആശങ്കയിലാണ് സ്വകാര്യ വാഹനങ്ങളെ ആശ്രയിക്കുന്നവര്. വില വര്ധനവ് തടയാന് സര്ക്കാര് നടപടി സ്വീകരിക്കാത്തതില് വലിയ പ്രതിഷേധം ഉയരുകയാണ്.