![iran](https://thekarmanews.com/wp-content/uploads/2023/10/iran.jpg)
ടെഹ്റാൻ. ഇറാനിലെ ചലച്ചിത്ര നിർമ്മാതാക്കളിലൊരാളായ ദാരിയുഷ് മെഹർജുയിയും ഭാര്യയും ടെഹ്റാനടുത്തുള്ള വീട്ടിൽ വെച്ച് കുത്തേറ്റു മരിച്ചതായി റിപ്പോർട്ട്. 1969-ൽ ഈ പ്രസ്ഥാനത്തിന്റെ ആദ്യ സിനിമകളിലൊന്നായ “ദകൗ” നിർമ്മിച്ച ഈ 83-കാരൻ ഇറാനിയൻ സിനിമയിലെ പുതിയ തരംഗവുമായി മായാതെ ബന്ധപ്പെട്ടിരുന്നു. ദാരിയുഷ് മെഹർജുയിയും ഭാര്യ വഹിദെ മുഹമ്മദീഫറും കഴുത്തിൽ ഒന്നിലധികം കുത്തേറ്റാണ് കൊല്ലപ്പെട്ടതെന്ന് കണ്ടെത്തി,”കൃത്യത്തിന് പിന്നിൽ ആരെന്ന് വ്യക്തമായിട്ടില്ല.
സംവിധായകന്റെ മകൾ മോനാ മെഹറുജി പിതാവിനെ കാണാൻ ശനിയാഴ്ച രാത്രി വീട്ടിലെത്തിയപ്പോഴാണ് രക്തത്തിൽ കുളിച്ചനിലയിൽ മൃതദേഹങ്ങൾ കണ്ടത്. ഇവരാണ് വിവരം പോലീസിൽ അറിയിച്ചത്. ജീവന് ഭീഷണിയുള്ളതായി വഹീദ ഈയിടെ സോഷ്യൽ മീഡിയയിൽ വ്യക്തമാക്കിയിരുന്നു. സംഭവത്തിൽ അന്വേഷണം പുരോഗമിക്കുകയാണ്. എന്നാല് എന്താണ് കൊലപാതകത്തിലേക്ക് നയിച്ചത് എന്ന് സംബന്ധിച്ച് ഇപ്പോള് വിവരങ്ങളൊന്നും ഇല്ലെന്നാണ് പൊലീസ് പറയുന്നത്.
1970-കളിൽ ഇറാനിലെ നവതരംഗ സിനിമകൾക്ക് തുടക്കംകുറിച്ചയാളെന്ന നിലയിൽ പ്രശസ്തനായിരുന്നു മെഹർജുയി. റിയലിസമായിരുന്നു മെഹർജുയി ചിത്രങ്ങളുടെ മുഖമുദ്ര. 1960-കളിൽ ലോസ് ഏഞ്ചൽസിലെ കാലിഫോർണിയ സർവകലാശാലയിൽ നിന്നായിരുന്നു സിനിമാ പഠനം.
1998 -ലെ ചിക്കാഗോ ഇന്റർനാഷണൽ ഫിലിം ഫെസ്റ്റിവലിൽ നിന്ന് സിൽവർ ഹ്യൂഗോയും 1993 -ലെ സാൻ സെബാസ്റ്റ്യൻ ഇന്റർനാഷണൽ ഫിലിം ഫെസ്റ്റിവലിൽ ഗോൾഡൻ സീഷെലും ഉൾപ്പെടെ നിരവധി അവാർഡുകൾ അദ്ദേഹത്തിന് ലഭിച്ചു. 1969-ൽ പുറത്തിറങ്ങിയ ദ കൗ എന്ന ചിത്രമാണ് ഇദ്ദേഹത്തിന്റെ ക്ലാസിക്കുകളില് ഒന്നായി അറിയപ്പെടുന്നത്. ടു സ്റ്റേ എലൈവ്, ദി പിയര് ട്രീ, സാറ എന്നീ ചിത്രങ്ങള് വിവിധ ചലച്ചിത്ര മേളകളില് പ്രേക്ഷകരുടെ കൈയടി നേടിയ സിനിമകളാണ്. കഴിഞ്ഞ വര്ഷം പുറത്തിറങ്ങിയ എ മൈനറാണ് അവസാന ചിത്രം.