കൃഷ്ണ കുമാറിന്റെ മകളുമായ ഇഷാനി കൃഷ്ണയുടെ 21 ആം ജൻമദിനം ആഘോഷമാക്കി കുടുംബം. സഹോദരിമാരായ അഹാന, ഹൻസിക, ദിയ എന്നിവർക്കും അമ്മ സിന്ധു കൃഷ്ണയ്ക്കുമൊപ്പമുള്ള ആഘോഷത്തിന്റെ ചിത്രങ്ങൾ ഇഷാനി സോഷ്യൽ മീഡിയയിൽ പങ്കുവച്ചിട്ടുണ്ട്. നിരവധിയാളുകളാണ് ഇഷാനിക്ക് പിറന്നാൾ ആശംസകളുമായി എത്തുന്നത്.
മലയാളികളുടെ പ്രിയ കുടുംബമാണ് നടൻ കൃഷ്ണകുമാറിന്റേത്. മൂത്ത മകൾ അഹാന കൃഷ്ണ നായികയായി തിളങ്ങി നിൽക്കുകയാണ്. അഹാനയ്ക്ക് പിന്നാലെ അനിയത്തിമാരും വെള്ളിത്തിരയിൽ അരങ്ങേറ്റം കുറിച്ചു കഴിഞ്ഞു. മമ്മൂട്ടിയുടെ വൺ എന്ന ചിത്രത്തിലൂടെ കൃഷ്ണകുമാറിന്റെ മൂന്നാമത്തെ മകൾ ഇഷാനിയും അഭിനയ രംഗത്ത് തുടക്കം കുറിച്ചിരുന്നു. വളരെ പ്രേക്ഷക പ്രശംസ നേടിയ കഥാപാത്രമായിരുന്നു നടിയുടേത്. സിനിമയിലെത്തുന്നതിന് മുൻപ് തന്നെ സോഷ്യൽ മീഡിയകളിൽ നിരവധി ആരാധകരെ സമ്പാദിച്ചയാളാണ് ഇഷാനി. അടുത്തിടെ ഇഷാനി 41 കിലോയിൽ നിന്ന് 51 കിലോയിലേക്കെത്തിയതിന്റെ സന്തോഷം പങ്കുവെച്ചിരുന്നു.
ഇഷാനിയുടെ വർക്ക് ഔട്ട് വീഡിയോ കഴിഞ്ഞ ദിവസം വൈറലാകുന്നു. ശരീര ഭാരം വർദ്ധിപ്പിക്കാൻ സഹായിക്കുന്ന വർക്ക്ഔട്ട് രീതികൾ തന്റെ ആരാധകരുമായി പങ്കുവെയ്ക്കുകയാണ് താരം. വണ്ണം വയ്ക്കാൻ പല വഴികളും നോക്കുന്ന ചിലർക്ക് സഹായകരമാകുമെന്നും താരം പറയുന്നു. ആനിമൽ ഫ്ലോ എന്ന വർക്ക്ഔട്ട് രീതിയാണ് വണ്ണം വയ്ക്കാൻ തന്നെ സഹായിച്ചതെന്നും താരം പറയുന്നു.
