മലയാളികളുടെ പ്രിയപ്പെട്ട നടിയാണ് മഞ്ജു പിള്ള. മിനിസ്‌ക്രീനിലും ബിഗ് സ്‌ക്രീനിലും ഒരുപോലെ തിളങ്ങുകയാണ് നടി. ചെറുപ്രായത്തിലേ സിനിമയിൽ എത്തിയ മഞ്ജു വ്യത്യസ്തങ്ങളായ നിരവധി കഥാപാത്രങ്ങൾ അവതരിപ്പിച്ചിട്ടുണ്ട്. സോഷ്യൽ മീഡിയകളിലും നടി ഏറെ സജീവമാണ്. താരം പങ്കുവെയ്ക്കുന്ന വിശേഷങ്ങൾ എല്ലാം വളരെ പെട്ടെന്ന് വൈറലായി മാറാറുമുണ്ട്. ‘ഹോം’ എന്ന സിനിമയിൽ കുട്ടിയമ്മ എന്ന കഥാപാത്രത്തിലൂടെ പ്രേക്ഷകരുടെ പ്രിയ താരമായി മഞ്ജു മാറി. എന്നാൽ ഇപ്പോൾ മറ്റൊരു ബിസിനസിലും താരം തിരക്കിലാണ്. മാസ്സായി പോത്ത് ബിസിനസ് രംഗത്തേക്ക് ആണ് മഞ്ജു പിള്ള കടന്നിരിക്കുന്നത്. പിള്ളാസ് ഫ്രഷ് ഫാം എന്ന പേരിൽ ആറ്റിങ്ങളിലിൽ പോത്ത് വ്യാപാരം നടത്തുന്നത്.
ഇപ്പോൾ മഞ്ജു പിള്ള പങ്കുവെച്ച ഫോട്ടോ ശ്രദ്ധേയമാകുന്നു. മഞ്ജു പിള്ളയുടെ പുത്തൻ മേക്കോവറിനെക്കുറിച്ചുള്ള ചർച്ചകൾ സോഷ്യൽമീഡിയയിൽ സജീവമായി നടക്കുന്നുണ്ട്. നിമിഷനേരം കൊണ്ടാണ് ചിത്രങ്ങൾ വൈറലായി മാറിയത്. സഹതാരങ്ങളും ആരാധകരുമെല്ലാം മേക്കോവറിന് കൈയ്യടിയുമായെത്തിയിട്ടുണ്ട്. ഞാനെന്റെ ചിറക് വിരിച്ചു, ബാക്കി കഥ എന്റെ ഡ്രസ് പറയുമെന്ന ക്യാപ്ഷനോടെയായാണ് ചിത്രം പങ്കിട്ടത്.ബീന ആന്റണി, സോണിയ, രാധിക റസിയ തുടങ്ങി നിരവധി പേരാണ് ചിത്രങ്ങൾക്ക് താഴെയായി കമന്റുകളുമായെത്തിയത്. ഈ കുട്ടി ഏത് കോളേജിലാണ്, എവിടെയോ കണ്ടത് പോലെയുണ്ട്. ഈ മാറ്റം അടിപൊളിയായി തുടങ്ങി നിരവധി കമന്റുകളാണ് ചിത്രങ്ങൾക്ക് താഴെയുള്ളത്.
സത്യവും മിഥ്യയും എന്ന സീരിയലിൽ ആണ് മഞ്ജു പിള്ള ആദ്യമായി അഭിനയിച്ചത്. ചില കുടുംബചിത്രങ്ങൾ, ലൈഫ് ഈസ് ബ്യൂട്ടിഫുൽ എന്നീ പരമ്പരകളിലെ വേഷങ്ങൾ പരക്കെ ശ്രദ്ധിക്കപ്പെട്ടു. ഹാസ്യാത്മകമായ വേഷങ്ങളായിരുന്നു ഇവ. ഇതോടെ കോമഡി പരമ്പരകൾ കൂടുതൽ അവരെ തേടിയെത്തി. തട്ടീം മുട്ടീം എന്ന പരമ്പര അത്തരത്തിൽ സമ്പ്രേക്ഷണം ചെയ്യുന്ന ഒരു മെഗാ പരമ്പരയാണ്. കെ.പി.എ.എസി. ലളിതയുടെ മരുമകളായിട്ടാണ് ഈ പരമ്പരയിൽ മഞ്ജു വേഷമിട്ടത്
