![kolacase prathi dyfi](https://thekarmanews.com/wp-content/uploads/2022/03/kolacase-prathi-dyfi.jpg)
ആലപ്പുഴ കൊലപാതക കേസിൽ ശിക്ഷിക്കപ്പെട്ടയാൾ ഡിവൈഎഫ്ഐ മേഖലാ വൈസ് പ്രസിഡന്റ. ഐക്യഭാരതം മേഖലാ വൈസ് പ്രസിഡന്റ് ആയത് പരോളിൽ ഇറങ്ങിയ ആന്റണി ജോസഫ് ആണ്. അജു കൊലക്കേസിൽ ആന്റണിയുടെ ജീവപര്യന്തം ശിക്ഷ കോടതി ശരിവച്ചിരുന്നു. കഴിഞ്ഞദിവസം പരോളിലിറങ്ങിയപ്പോഴാണ് ആന്റണിയെ ഡിവൈഎഫ്ഐ ഭാരവാഹിയാക്കിയത്.
അജു കൊലക്കേസിൽ ആലപ്പുഴ ജില്ലാ കോടതിയാണ് ഇയാൾ ഉൾപ്പടെ ഏഴ് പേരെ ശിക്ഷിച്ചത്. ഹൈക്കോടതിയും വിധി ശരിവെച്ചിരുന്നു. അജുവിനെ ആളുമാറി ആയിരുന്നു ആന്റണിയുടെ നേതൃത്വത്തിൽ കൊലപ്പെടുത്തിയത്. സംഭവം വിവാദമായതോടെ അടിയന്തര കമ്മിറ്റി ചേർന്ന്, തീരുമാനം പുനഃപരിശോധിക്കാൻ സിപിഐഎം നിർദേശം നൽകിയിട്ടുണ്ട്.
പല രീതിയിലുള്ള ഗുണ്ടാ പ്രവര്ത്തനങ്ങള് നടത്തുന്നവര് പാര്ട്ടിയില് നുഴഞ്ഞുകയറുന്നതായി സി.പി.എം ആലപ്പുഴ ജില്ലാ സമ്മേളന റിപ്പോര്ട്ടില് വിലയിരുത്തിയിരുന്നു. സമ്മേളനം കഴിഞ്ഞ് ദിവസങ്ങള് മാത്രം പിന്നിടുമ്പോഴാണ് ഐക്യഭാരതം മേഖലാ കമ്മറ്റിയുടെ വൈസ് പ്രസിഡന്റായി ആന്റണിയെ തിരഞ്ഞെടുത്തത്.