ടെൽ അവീവ്: ഈ യുദ്ധം മുഴുവൻ ലോകത്തിന്റേയും ഇരുണ്ട കാലത്തിനെതിരെയുള്ളതാണ്. ആഗോള മനുഷ്യരാശിക്ക് വേണ്ടിയുള്ളതെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു. നമുക്ക് ഒരുമിച്ച് നിന്ന് വിജയിക്കണമെന്നും നെതന്യാഹു പറഞ്ഞു. ബ്രിട്ടിഷ് പ്രധാനമന്ത്രി ഋഷി സുനകും ബെഞ്ചമിൻ നെതന്യാഹുവും ചേർന്ന് നടത്തിയ സംയുക്ത വാർത്താസമ്മേളനത്തിലാണ് അദ്ദേഹത്തിന്റെ വാക്കുകൾ.
പാലസ്തീനികൾ യഥാർത്ഥത്തിൽ ഹമാസിന്റെ ഇരകളാണ്. സ്വയം പ്രതിരോധിക്കാനുള്ള ഇസ്രായേലിന്റെ അവകാശത്തെയും ഹമാസിനെതിരെ ഇസ്രായേൽ നടത്തുന്ന പോരാട്ടത്തെയും പിന്തുണയ്‌ക്കുന്നതായി ഋഷി സുനക് പറഞ്ഞു. സാധാരണക്കാരുടെ സഹായത്തിനായി ഇസ്രായേൽ നിരവധി മാനുഷിക അവസരങ്ങൾ ഒരുക്കുന്നതിൽ സന്തോഷമുണ്ട്. ഇവയ്‌ക്കെല്ലാം ഉപരിയായി ഇസ്രായേൽ ജനതയോട് ഐക്യദാർഢ്യം പ്രകടിപ്പിക്കുന്നു. – ഋഷി സുനക് പറഞ്ഞു.
ഒക്ടോബർ 7ന് ഹമാസ് തെക്കൻ ഇസ്രായേലിനെ ആക്രമിക്കുകയായിരുന്നു. സാധാരണക്കാരെ കൊല്ലുകയും നിരവധി പേരെ ബന്ദികളാക്കുകയും ചെയ്തതിനെ തുടർന്ന് ഇസ്രായേൽ-പാലസ്തീൻ മേഖലയെ രൂക്ഷമായ സംഘർഷത്തിലേക്ക് നയിക്കുകയായിരുന്നു.
