ന്യൂഡല്‍ഹി. സിറോ മലബാര്‍ ഭൂമി ഇടപാട് കേസില്‍ കര്‍ദിനാള്‍ മാര്‍ ജോര്‍ജ് ആലഞ്ചേരിക്ക് ജാമ്യം അനുവദിച്ചത് ക്രിമിനല്‍ ചട്ടത്തിലെ വ്യവസ്ഥകളില്‍ ഇളവ് നല്‍കിയാണെന്ന് സുപ്രീംകോടതിയില്‍ ഹര്‍ജി. ജാമ്യത്തിനായി പല വ്യവസ്ഥകളും ഒഴിവാക്കി. സുപ്രീംകോടതിയില്‍ ഇത് സംബന്ധിച്ച ഹര്‍ജി നല്‍കിയത് പരാതിക്കാരനായ ജോഷ് വര്‍ഗീസാണ്.
ക്രിമിനല്‍ ചട്ടത്തില്‍ ഏഴോ അതില്‍ കൂടുതലോ ശിക്ഷ ലഭിക്കുന്ന കുറ്റം ചുമത്തപ്പെട്ടവര്‍ക്ക് ജാമ്യം അനുവദിക്കുമ്പോള്‍ നിര്‍ബന്ധമായും ചില വ്യവസ്ഥകള്‍ ഏര്‍പ്പെടുത്തണമെന്ന് നിഷ്‌കര്‍ഷിച്ചിട്ടുണ്ട്. എന്നാല്‍ ഈ വ്യവസ്ഥകളില്‍ ഇളവ് നല്‍കിയാണ് ജാമ്യം അനിവദിച്ചത് എന്നാണ് ആരോപണം.
കര്‍ദിനാള്‍ മാര്‍ ജോര്‍ജ് ആലഞ്ചേരിക്ക് 2023 ജനുവരി 27നാണ് ജാമ്യം അനുവദിച്ചത്. മെയ് 16ന് ചില വ്യവസ്ഥകള്‍ കൂടി ചേര്‍ത്ത് കോടതി ജാമ്യ വ്യവസ്ഥകള്‍ ഭേദഗതി ചെയ്തു.
