കൊച്ചി. രണ്ട് ദിവസത്തെ സന്ദര്‍ശനത്തിന് രാഷ്ട്രപതി ദ്രൗപദി മുര്‍മു വ്യാഴാഴ്ച കേരളത്തില്‍ എത്തും. വ്യാഴാഴ്ച ഉച്ചയ്ക്ക് 1.30നാണ് രാഷ്ട്രപതി കൊച്ചിയിലെത്തുക. തുടര്‍ന്ന് വെള്ളിയാഴ്ച രാഷ്ട്രപടി വിവിധ ചടങ്ങുകളില്‍ പങ്കെടുക്കും. രാജ്യത്തിന്റെ അഭിമാനമായ ഐഎന്‍എസ് വിക്രാന്ത് രാഷ്ട്രപതി സന്ദര്‍ശിക്കും. തുടര്‍ന്ന് 4.20ന് നാവിക സേനയുടെ ഐഎന്‍എസ് ദ്രോണചാര്യയ്ക്ക് രാഷ്ട്രപതിയുടെ ഉയര്‍ന്ന ബഹുമതിയായ നിഷാന്‍ ദ്രൗപദി മുര്‍മു നല്‍കും.
തുടര്‍ന്ന് കൊല്ലം വള്ളിക്കാവിലെ മാതാ അമൃതാനന്ദമയി മഠത്തില്‍ രാഷ്ട്രപതി സന്ദര്‍ശനം നടത്തും. തുടര്‍ന്ന് തിരുവനന്തപുരത്ത് ഹെലികോപ്റ്ററില്‍ എത്തുന്ന രാഷ്ട്രപതി കവടിയാര്‍ ഉദയ് പാലസ് കണ്‍വന്‍ഷന്‍ സെന്ററില്‍ നടക്കുന്ന കുടുംബശ്രിയുടെ പരിപാടിയില്‍ പങ്കെടുക്കും. തുടര്‍ന്ന് ഉച്ചയോടെ ലക്ഷദ്വീപിലേക്ക് തിരിക്കും.
