മലയാളികളുടെ പ്രിയഗായിക രഞ്ജിനി ജോസും അവതാരക രഞ്ജിനി ഹരിദാസും അടുത്ത കൂട്ടുകാരാണ്. ഇരുവരും തമ്മിലുള്ള സൗഹൃദത്തിന് ഇരുപത് വർഷത്തോളം പഴക്കമുണ്ട്. പേരിലുള്ള സാമ്യതകൾക്കപ്പുറത്ത് ഹൃദയബന്ധത്തിന്റെ അടുപ്പമുണ്ടെന്ന് ഇരു താരങ്ങളും വെളിപ്പെടുത്തിയിരുന്നു. ഏറെ പ്രയാസമേറിയ സമയത്തു പോലും ഒരു കുടുംബാംഗത്തെപ്പോലെ രഞ്ജിനി ഹരിദാസ് തനിക്കൊപ്പം നിന്നിട്ടുണ്ടെന്നും തന്നെ പൂർണമായും രഞ്ജിനിക്ക് അറിയാമെന്നും ഗായിക രഞ്ജിനി ജോസ് പറഞ്ഞിട്ടുണ്ട്. ഇപ്പോളിതാ ഇരുവരുടെയും വീഡിയോയാണ് ശ്രദ്ധ നേടുന്നത്.
ഒരു ഷൂട്ടിനിടയിലാണ് ഞാനും വിജയ് യേശുദാസും ബന്ധമാണെന്ന വാർത്ത ഓൺലൈനിൽ കാണുന്നത്. വിജയിയും ഞാനും നല്ല സുഹൃത്തുക്കളാണ്. വാർത്ത കണ്ട ഉടനെ ഞാൻ വിജയിയ്ക്ക് മെസേജ് അയച്ചു. ഞാനും നീയും എപ്പോൾ പ്രേമത്തിലായി എന്നായിരുന്നു അവന്റെ മറുചോദ്യം. ഒരാഴ്ചയ്ക്കുള്ളിൽ എല്ലാ ഓൺലൈൻ പോർട്ടലിലും ഈ വാർത്ത വന്നു. ചിലരൊക്കെ കേസ് കൊടുക്കാൻ ഉപദേശിച്ചിരുന്നതായി രഞ്ജിനി ജോസ് പറയുമ്പോൾ അത് വെറുതേ സമയം കളയാനാണെന്ന് രഞ്ജിനി ഹരിദാസ് പറയുന്നു.
നല്ല രീതിയിൽ ബന്ധം വർക്കൗട്ട് ചെയ്യുന്നവർക്ക് വിവാഹത്തിലൂടെ മുന്നോട്ട് പോവാം. എന്റേത് വർക്കൗട്ടായിട്ടില്ല. ഇനി വിവാഹമാന്നും ഉണ്ടാവില്ല. ചിലപ്പോൾ ലിവിങ് ടുഗെതർ ആവും. പിന്നെ ജീവിതമല്ലേ, മുന്നോട്ട് എന്താണ് സംഭവിക്കാൻ പോകുന്നതെന്ന് അറിയില്ലല്ലോ.. രഞ്ജിനി ചോദിക്കുന്നു.
വിവാഹം ഒരു സോഷ്യൽ കോൺട്രാക്ടാണെന്ന് രഞ്ജിനി ഹരിദാസും പറയുന്നു. എനിക്കൊരിക്കലും മറ്റൊരാൾ പറയുന്നത് പോലെ ജീവിക്കാനാവില്ല. മറ്റുള്ളവരെ ബോധ്യപ്പെടുത്താനായിട്ട് ഒരു പേപ്പറിൽ ഒപ്പിട്ട് ചെയ്യേണ്ടതല്ല. എനിക്ക് സ്വയം ബോധ്യപ്പെടണം. അതിനെനിക്ക് ഇതുവരെ കഴിഞ്ഞിട്ടില്ല. ഒരൊറ്റ പ്രാവിശ്യം ഞാനതിന് അടുത്ത് എത്തിയിരുന്നു. ഒരു ബന്ധത്തിൽ അത്രയും അടുപ്പമുണ്ടായിരുന്നപ്പോൾ. പിന്നീടത് വേണ്ടെന്ന് വച്ചു.
ഇപ്പോൾ ശരത്തുമായിട്ടുള്ള ബന്ധത്തിൽ ഞാൻ ഹാപ്പിയാണ്. പ്രശ്‌നങ്ങൾ വരുമ്പോൾ ഞങ്ങളത് സംസാരിച്ച് തീർക്കും. പക്ഷേ കല്യാണം കഴിച്ചാൽ അവരുടെ പ്രതീക്ഷകൾ കൂടും. അത് കൊടുക്കാൻ എനിക്കാവില്ല. എന്നെ ആ സ്ഥാനത്തേക്ക് പ്രതിഷ്ഠിക്കാൻ താൽപര്യമില്ലാത്തത് കൊണ്ട് ഞാനത് ചെയ്യുന്നില്ലെന്ന് മാത്രം’ രഞ്ജിനി പറയുന്നു.
സ്ത്രീകൾക്ക് കരുത്ത് നിൽക്കുന്നത് പണമാണെന്നാണ് രഞ്ജിനിയുടെ അഭിപ്രായം. പണമാണ് സ്വതന്ത്ര്യം നൽകുന്നത്. ഇഷ്ടമുള്ള രീതിയിൽ ഉണ്ടാക്കാൻ പഠിക്കണം. അത് ഞാൻ പഠിച്ചുവെന്നും താരം പറയുന്നു. ഒരുമിച്ചുള്ള ചിത്രങ്ങൾ പോസ്റ്റ് ചെയ്യുമ്പോൾ പലപ്പോഴും കേട്ടിട്ടുള്ള ചോദ്യമാണ് ‘നിങ്ങൾ ലെസ്ബിയൻസാണോ?’ എന്നതെന്നും ദയവുചെയ്ത് സൗഹൃദത്തെ റൊമാന്റിസൈസ് ചെയ്യരുതെന്നും ഇരുവരും അഭിമുഖത്തിൽ പറഞ്ഞു
