മലപ്പുറം : വിദ്യാര്‍ഥിയെ ആട്ടിന്‍ കൂട്ടില്‍ തൂങ്ങി മരിച്ച നിലയില്‍ കണ്ടെത്തിയ സംഭവത്തില്‍ പോലീസ് അന്വേഷണം. മരുതകടവ് കീരിപൊട്ടി കോളനിയില്‍ ചന്ദ്രന്റെയും സുബിയുടെയും മകന്‍ നിഖിലാണ് മരിച്ചത്. ചൊവ്വാഴ്ച രാത്രി നിഖില്‍ വീട്ടില്‍ എത്തിയിരുന്നില്ല.
രാത്രിയില്‍ കിടക്കാനായി വീടിന് അടുത്തുള്ള ബന്ധുവീട്ടില്‍ പോയതാവും എന്നായിരുന്നു വീട്ടുകാര്‍ കരുതിയത്, അതിനാല്‍ തന്നെ ആരും അന്വേഷിച്ചതുമില്ല. തുടര്‍ന്ന് ബുധനാഴ്ച രാവിലെ ആയിട്ടും കുട്ടി തിരിച്ചെത്താതായതോടെയാണ് വീട്ടുകാര്‍ അന്വേഷിച്ചത്.
ഇതിനിടെ ആട്ടിന്‍ കൂട്ടില്‍ തുങ്ങി മരിച്ച നിലയില്‍ കണ്ടെത്തുകയായിരുന്നു. നാല് സഹോദരിമാരുണ്ട്. മരുത ഗവ. ഹൈസ്‌കൂളിലെ എട്ടാം ക്ലാസ് വിദ്യാര്‍ഥിയായിരുന്നു.
