എറണാകുളം : ട്രെയിനിനുള്ളിൽ സ്ത്രീവേഷം ധരിച്ചെത്തി മോഷണം നടത്തിയ പ്രതി അറസ്റ്റിൽ. അസം സ്വദേശി അസദുൽ അലിയാണ് അറസ്റ്റിലായത്. ആലുവ പൊലീസാണ് പ്രതിയെ പിടികൂടിയത്. നെടുമ്പാശേരിയിൽ ജോലി ചെയ്യുന്ന മലപ്പുറം സ്വദേശിയായ സുഹൈലിന്റെ ബാഗാണ് പ്രതി മോഷ്ടിച്ചത്.
നാട്ടിലേക്ക് പോകുന്നതിനായി റെയിൽവേ സ്റ്റേഷനിൽ എത്തിയതായിരുന്നു സുഹൈൽ. പാസ്പോർട്ട്, ഡ്രൈവിംഗ് ലൈസൻസ് മുതലായ രേഖകൾ ബാഗിലുണ്ടായിരുന്നു. യുവാവിൽ നിന്ന് ബാഗ് മോഷ്ടിച്ച ശേഷം പ്രതി കടന്നുകളയുകയായിരുന്നു.
സംഘമായാണ് ഇവർ മോഷണം നടത്തുന്നതെന്നും ഇയാളുടെ സുഹൃത്തുക്കൾക്കായി അന്വേഷണം ആരംഭിച്ചിട്ടുണ്ടെന്നും പൊലീസ് അറിയിച്ചു.
