തിരുവനന്തപുരം: വടകര എംഎൽഎ കെ.കെ. രമയ്ക്കു വധഭീഷണിക്കത്ത് . തിരുവനന്തപുരത്തെ എംഎൽഎ ഓഫിസിലാണ് ഭീഷണിക്കത്ത് ലഭിച്ചത്. പയ്യന്നൂർ സഖാക്കൾ എന്ന പേരിലുള്ളതാണ് കത്ത്. ‘പിണറായി വിജയനെ കുറ്റപ്പെടുത്തി കയ്യടി നേടാനാണ് ഭാവമെങ്കിൽ ചിലതു ചെയ്യേണ്ടിവരും. ഭരണം പോയാലും അതു ചെയ്യും’ – എന്നാണ് കത്തില്‍ പറയുന്നത്‌. അതേസമയം, തെളിവടക്കം എംഎൽഎ ഡിജിപിക്ക് പരാതി നൽകി.
ഭരണം പോകുന്നതൊന്നും ഞങ്ങൾക്ക് വിഷയമല്ല. പയ്യന്നൂരിലേക്ക് വന്നാൽ കാണിച്ച് തരാം എന്നും കോൺഗ്രസ് നേതാക്കൾക്ക് വേണ്ടിയാണ് നിങ്ങൾ സംസാരിക്കുന്നത്. അവരും സൂക്ഷിച്ചിരുന്നോ എന്നും കത്തിൽ ഉണ്ടായിരുന്നു. കണ്ണൂരിൽ നിന്ന് പോസ്റ്റ് ചെയ്‌ത കത്ത് തിരുവനന്തപുരം എംഎൽഎ ഹോസ്റ്റലിലാണ് ലഭിച്ചത്. സംഭവത്തിൽ കെ.കെ രമ ഡിജിപിക്ക് പരാതി നൽകി.
