![vd satheesan](https://thekarmanews.com/wp-content/uploads/2021/07/New-Project-73.jpg)
തിരുവനന്തപുരം: നാര്ക്കോട്ടിക് വിവാദത്തില് സര്ക്കാരിന്റേത് കള്ളക്കളിയെന്ന് പ്രതിപക്ഷ നേതാവ് വി.ഡി. സതീശന്. സമുദായ നേതാക്കളുടെ യോഗം വിളിക്കണമെന്നും അദ്ദേഹം ആവശ്യപ്പെട്ടു.
സമൂഹമാധ്യമങ്ങളിലൂടെ വ്യാജ ഐഡി ഉപയോഗിച്ചുള്ള വിദ്വേഷ പ്രചരണം അവസാനിപ്പിക്കണം. ഇതിന് എന്ത് നടപടിയാണ് മുഖ്യമന്ത്രി സ്വീകരിച്ചിട്ടുള്ളത്. സമൂഹമാധ്യങ്ങളിലൂടെ പച്ചയ്ക്ക് വര്ഗീയത പറഞ്ഞിട്ട് ആളുകള് വീട്ടില് കയറി ഇരിക്കുകയാണ്. ഇവര്ക്കെതിരെ നടപടി വേണം. സൈബര് പോലീസിന് എന്തിനാണെന്നും അദ്ദേഹം ചോദിച്ചു. നടപടി സ്വീകരിക്കാന് പറ്റാത്ത സൈബര് പോലീസിനെ പിരിച്ചുവിടണം.
മന്ത്രി വാസവന് അടച്ച അധ്യായം മുഖ്യമന്ത്രി തുറന്നത് എന്തിനാണെന്നും സതീശന് ചോദിച്ചു. വിദ്വേഷ പ്രചരണം അവസാനിപ്പിക്കാന് മുഖ്യമന്ത്രി നടപടി സ്വീകരിക്കണം. സമൂദായ നേതാക്കന്മാരുടെ യോഗം വിളിച്ച് ഒറ്റദിവസം കൊണ്ട് വിവാദം അവസാനിപ്പിക്കാമെന്നും അദ്ദേഹം പറഞ്ഞു.
മതേതരത്വ നിലപാടില് വെള്ളം ചേര്ക്കാത്ത നിലപാടാണ് യുഡിഎഫിന്റേത്. സൗഹൃദത്തിന്റേയും സ്നേഹത്തിന്റെയും അന്തരീക്ഷം സൃഷ്ടിക്കാനാണ് തങ്ങള് ശ്രമിക്കുന്നത്. തങ്ങള് സൃഷ്ടിക്കുന്ന അന്തരീക്ഷം സര്ക്കാരിന് ഉപയോഗിക്കാമെന്നും ഇതിന്റെ ക്രഡിറ്റ് സര്ക്കാരിന് എടുക്കാമെന്നും സതീശന് കൂട്ടിച്ചേര്ത്തു.