സംസ്ഥാനത്ത് കുതിച്ചുയർന്ന പച്ചക്കറി വില നിയന്ത്രിക്കാൻ ഇടപെടലുമായി കൃഷിവകുപ്പ്. കഴിഞ്ഞ ദിവസങ്ങളിൽ സംസ്ഥാനത്ത് തക്കാളിയുടെ വില വാനോളമുയർന്നിരുന്നു. ഇതിനു പ്രതിവിധിയായി ഹോർട്ടികോർപ്പ് മുഖാന്തരം സംഭരിച്ച 10 ടൺ തക്കാളി തിരുവനന്തപുരം ആനയറ വേൾഡ് മാർക്കറ്റിൽ എത്തിച്ചു. ആന്ധ്രയിലെ മുളകാച്ചെരുവിൽ നിന്നാണ് തക്കാളി എത്തിച്ചത്. ഹോർട്ടികോർപ്പ് ഔട്ട്‌ലെറ്റുകൾ വഴി 48 രൂപാ നിരക്കിലാകും വിപണനം നടത്തുക.
വരും ദിവസങ്ങളിൽ കൂടുതൽ പച്ചക്കറി സംസ്ഥാനത്ത് എത്തിക്കുമെന്ന് കൃഷി മന്ത്രി പി പ്രസാദ് വ്യക്തമാക്കി. ഇടനിലക്കാരെ ഒഴിവാക്കി മറ്റു സംസ്ഥാങ്ങളിൽ നിന്നും നേരിട്ട് പച്ചക്കറികൾ സംഭരിക്കുകയാണ് സർക്കാർ ഇപ്പോൾ ചെയ്യുന്നത്.
