![Untitled-1](https://thekarmanews.com/wp-content/uploads/2021/01/Untitled-1-9.jpg)
മലയാളികളുടെ ഏറെ പ്രിയപ്പെട്ട നടന്മാരില് ഒരാളായിരുന്നു തിലകന്. അദ്ദേഹത്തിന്റെ അഭിനയവും ഏറെ കയ്യടികള് നേടിയിട്ടുണ്ട്. എന്നാല് വിവാദങ്ങളും തിലകനെ ചുറ്റിപ്പറ്റി ഉണ്ടായി. മലയാള സിനിമയില് തിലകന് വിലക്ക് വരെ നേരിടേണ്ടതായി വന്നു. ഇപ്പോള് തിലകന്റെ ഈ വിലക്കിനെ കുറിച്ച് ചില കാര്യങ്ങള് സംവിധായകന് വിനയന് പറഞ്ഞിരിക്കുകയാണ്. മോഹന്ലാലോ മമ്മൂട്ടിയോ നടന് തിലകനെ സിനിമാരംഗത്ത് നിന്ന് വിലക്കുമെന്ന് താന് കരുതുന്നില്ലെന്ന് വിനയന് പറഞ്ഞു. അങ്ങനെ സംഭവിച്ചത് സിനിമ ദുരുപയോഗം ചെയ്യുന്ന ചിലര് വലിയ സ്ഥാനങ്ങളില് ഇരുന്നത് കൊണ്ടാണെന്നും ഒരു ഓണ്ലൈന് മാധ്യമത്തിന് നല്കിയ അഭിമുഖത്തില് അദ്ദേഹം പറഞ്ഞു .
വിനയന്റെ വാക്കുകള് ഇങ്ങനെ, മലയാള സിനിമയില് തിലകനെ സ്നേഹിക്കുകയും ബഹുമാനിക്കുകയും ചെയ്തവരുണ്ട്. അതു പോലെ തന്നെ അദ്ദേഹം മോനെ പോലെ കണ്ട പല പ്രമാണികളും ഉണ്ട്. അവര്ക്കാര്ക്കും അദ്ദേഹത്തോട് ദേഷ്യമുണ്ടായിരുന്നില്ല. പക്ഷെ എന്ത് സാഹചര്യം എന്നെനിക്കറിയില്ല.
ചില ആളുകള്ക്ക് സിനിമ ഭയങ്കരമായി ദുരുപയോഗം ചെയ്ത് പലരെയും തെറ്റിദ്ധരിപ്പിക്കാന് പറ്റും. അത്തരം ബുദ്ധിയുള്ള ചിലരൊക്കെ തലപ്പത്ത് വന്നാല് അവര്ക്ക് ഇഷ്ടക്കേടുളളവര്ക്ക് നിലനില്ക്കാന് പറ്റാത്ത അവസ്ഥ വരും.. അത് കൊണ്ടാണ് തിലകന് ചേട്ടനെയൊക്കെ പുറത്താക്കിയത്. അത്തരം ഒരു ഗ്രൂപ്പ് ഉണ്ടായി കഴിഞ്ഞിരുന്നു. അല്ലാതെ വലിയ മുന്നിര താരങ്ങളായ മോഹന്ലാലോ മമ്മൂട്ടിയോ ഒരിക്കലും തിലകന് ചേട്ടനെ വിലക്കണം എന്ന് പറയുമെന്ന് എനിക്ക് തോന്നുന്നില്ല.