ഇന്ത്യ സര്ക്കാറിന്റെ രണ്ടാമത്തെ നോട്ടീസ് ഫലം കണ്ടു.കർശന തീരുമാനവുമായി വാട്സ്ആപ്.
ഇന്ത്യന് സര്ക്കാറിന്റെ രണ്ടാമത്തെ നോട്ടീസ് ഫലം കണ്ടു:
കർശന തീരുമാനവുമായി വാട്സ്ആപ്. വാട്സ് ആപിൽ ഒരു മെസേജ് തന്നെ ഫോര്വേഡ് ചെയ്യുന്നവർക്ക് കർശന നിയന്ത്രണം വരുന്നു. ടെക്സ്റ്റ്, ചിത്രങ്ങള്, വീഡിയോ തുടങ്ങിയവക്കെല്ലാം നിയന്ത്രണം ബാധകമാണ്.
വ്യാജ വാര്ത്തകള്ക്ക് തടയിടാനാണ് കൂടുതല് കര്ശന നടപടികൾ വാട്സപ് എടുത്തത്. വ്യാജവാര്ത്തകള് തടയണമെന്ന് ആവശ്യപ്പെട്ട് കേന്ദ്ര സര്ക്കാര് രണ്ടു നോട്ടീസുകളാണ് കമ്പനിക്കെതിരെ അയച്ചത്. ഇതിനു പിന്നാലെയാണ് ഇക്കാര്യത്തില് നടപടികള് കര്ശനമാക്കാന് വാട്സ് ആപ് നിര്ബന്ധിതമായത്.
വാട്സ് ആപിലുടെ പ്രചരിക്കുന്ന വ്യാജവാര്ത്തകള് രാജ്യത്തെ ആള്ക്കൂട്ട കൊലകള്ക്ക് കാരണമായതിനെ തുടര്ന്നാണ് കര്ശന നടപടികള് സ്വീകരിക്കാന് സര്ക്കാര് നിര്ദേശിച്ചത്.വാട്സ് ആപില് ഇനി വരുന്ന മെസേജുകള് ഒരു ഉപയോക്താവിന് അഞ്ച് പേര്ക്ക് മാത്രമേ ഫോര്വേഡ് ചെയ്യാനാകു. ഇൗ സംവിധാനം ആപിനൊപ്പം കൂട്ടിചേര്ക്കാനുള്ള നീക്കങ്ങളാണ് ഇപ്പോള് നടക്കുന്നത്.