കൊട്ടാരക്കരയിൽ മുത്തശ്ശിയെ നിലവിളക്ക് വീശി ആക്രമിച്ച് സ്വർണ മാല തട്ടിയെടുത്ത കൊച്ചു മകനെ പോലീസ് അറസ്റ്റ് ചെയ്തു. തൃക്കണ്ണമംഗൽ സി.പി.കുന്ന് ലക്ഷംവീട്ടിൽ 23കാരനായ അനിമോനെയാണ് പുനലൂരിൽനിന്നു പിടികൂടിയത്. കഴിഞ്ഞ 27-നാണ് കല്ലുവാതുക്കൽ വിപിൻഭവനിൽ മേരി(85)യെ ആക്രമിച്ച് രണ്ടുപവന്റെ സ്വർണമാല കവർന്നത്. മേരിയുടെ കൊച്ചുമകനാണ് അനിമോൻ. വീട്ടിലെത്തിയ യുവാവിന് ഭക്ഷണം നൽകുന്നതിനിടെ നില വിളക്കുപയോഗിച്ചു മേരിയുടെ തലയ്ക്കടിക്കാൻ ശ്രമിക്കുകയും മർദിക്കുകയും മാല കവരുകയുമായിരുന്നു..
ഒളിവിലായിരുന്ന ഇയാളെ തെന്മല മുതൽ പിന്തുടർന്നാണ് പുനലൂരിൽനിന്ന് പോലീസ് പിടികൂടിയത്.കൊട്ടാരക്കര സി.ഐ. ജോസഫ് ലിയോണിന്റെ നേതൃത്വത്തിൽ എസ്.ഐ. ദീപു, സി.പി.ഒ. മാരായ ഷിബു കൃഷ്ണൻ, എസ്.സുധീർ, സഹീൽ, ശ്രീരാജ് എന്നിവരാണ് പ്രതിയെ പിടികൂടിയത്.
