![29](https://thekarmanews.com/wp-content/uploads/2022/05/29-5.png)
ഉപയോഗിച്ച എണ്ണയുടെ പുനരുപയോഗം കണ്ടെത്താന് ‘നല്ല ഭക്ഷണം നാടിന്റെ അവകാശം’ എന്ന കാമ്പയിന്റെ ഭാഗമായി ഭക്ഷ്യ സുരക്ഷാ വകുപ്പ് പ്രത്യേക പരിശോധന നടത്തുമെന്ന് ആരോഗ്യമന്ത്രി വീണാ ജോര്ജ്. ഉപയോഗിച്ച എണ്ണ വീണ്ടും വീണ്ടും ഉപയോഗിക്കുന്നത് ക്യാന്സര് ഉള്പ്പെടെയുള്ള മാരക രോഗങ്ങളിലേക്ക് നയിക്കും.
ഭക്ഷ്യയോഗ്യമല്ലാത്ത എണ്ണകള് വില്ക്കാനോ ആഹാരം പാകം ചെയ്യുന്നതിന് ഉപയോഗിക്കാനോ പാടില്ലെന്നും മന്ത്രി നിർദ്ദേശിച്ചു. ഹോട്ടലുകളില് ഉപയോഗിച്ച എണ്ണ സംസ്കരിച്ച് വീണ്ടും ഉപയോഗിക്കുന്നതായുള്ള പരാതി ശ്രദ്ധയില്പ്പെട്ടിട്ടുണ്ടെന്നും ഉപയോഗിച്ച പഴകിയ എണ്ണ ഉപയോഗിക്കുന്നവര്ക്കെതിരെ കര്ശന നടപടി സ്വീകരിക്കുമെന്നും മന്ത്രി വ്യക്തമാക്കി.
ടി പി സി മോണിറ്ററിലൂടെ പഴകിയ എണ്ണ ഉപയോഗിക്കുന്നുണ്ടോ എന്നറിയാന് ഭക്ഷ്യ സുരക്ഷാ വകുപ്പ് പ്രത്യേക പരിശോധനകള് നടത്തും. വിപണിയില് വില്ക്കുന്ന എണ്ണയില് മായം കണ്ടെത്തുന്നതിന് പരിശോധനകള് ശക്തമാക്കും.