പുതുക്കിയ നിരക്കിൽ പന്നിയങ്കര ടോൾ പ്ലാസയിൽ നിന്ന് ടോൾ പിരിക്കുന്നത് ഹൈക്കോടതി തടഞ്ഞു. പഴയ നിരക്കിൽ തന്നെ ടോൾ പിരിക്കാൻ ഹൈക്കോടതി സിംഗിൽ ബെഞ്ച് ഉത്തരവിട്ടു. ടോൾ പിരിക്കാൻ ബസ് ഉടമകൾക്ക് എതിരെ പൊലീസ് സംരക്ഷണം ആവശ്യപ്പെട്ട് ടോൾ കമ്പനി ഹർജി നൽകിയിരുന്നു.
ഈ ഹർജിയിൽ കക്ഷി ചേർന്ന അഡ്വ. ഷാജി കെ കോടങ്കണ്ടത്ത് പണി പൂർത്തിയാകാതെ അമിത നിരക്ക് ഈടാക്കുന്നത് ചോദ്യം ചെയ്തു. പണി പൂർത്തിയാക്കാതെ കമ്പനിക്ക് കംപ്ലീഷൻ സർട്ടിഫിക്കറ്റ് നൽകിയതും അദ്ദേഹം ചോദ്യം ചെയ്തു. അതിന് വേറെ ഹർജി നൽകാൻ ഹൈക്കോടതി നിർദേശം നൽകി. ടോളിൽ അമിത നിരക്ക് ഈടാക്കുന്നതിനെതിരെ ബസ് ഉടമകളും വൻ പ്രതിഷേധമാണ് നടത്തിയിരുന്നത്.
