![kozhikkod-medical](https://thekarmanews.com/wp-content/uploads/2021/12/kozhikkod-medical.jpg)
കോഴിക്കോട് : വിദ്യാർത്ഥിനിക്ക് വാട്സ്ആപ്പിലൂടെ അപകീർത്തികരമായ സന്ദേശമയച്ച അദ്ധ്യാപകന് സസ്പെൻഷൻ. കോഴിക്കോട് മെഡിക്കൽ കോളേജിലാണ് സംഭവം. അനാട്ടമി വിഭാഗം പ്രൊഫസറെയാണ് അന്വേഷണ വിധേയമായി മെഡിക്കൽ ബോർഡ് സസ്പെൻഡ് ചെയ്തത്. മെഡിക്കൽ വിദ്യാർത്ഥിനിയുടെ പരാതിയെ തുടർന്നായിരുന്നു നടപടി.
അദ്ധ്യാപകൻ രണ്ടാം വർഷ വിദ്യാർത്ഥിനിയ്ക്ക് മാസങ്ങളായി വാട്സ്ആപ്പിലൂടെ അപകീർത്തികരമായ സന്ദേശങ്ങൾ അയച്ചിരുന്നതായാണ് പരാതി. ഇതേത്തുടർന്ന് മാനസികാരോഗ്യം വഷളായതോടെ ഇക്കാര്യം യുവതിക്ക് പുറത്തുപറയാനുമായില്ല. വിദ്യാർത്ഥിനിയുടെ സുഹൃത്തുകൾ വഴി സംഭവം പുറത്തറിഞ്ഞതോടെയാണ് കോളേജ് യൂണിയൻ അദ്ധ്യാപകനെതിരെ പ്രിൻസിപ്പലിന് പരാതി നൽകുകയായിരുന്നു.
പരാതിയിൽ വാസ്തവം ഉണ്ടെന്ന് പ്രാഥമികാന്വേഷണത്തിൽ തെളിഞ്ഞതോടെയാണ് നടപടിയെടുത്തത്. ഡിഎംഇയ്ക്ക് കോളേജ് അധികൃതർ അന്വേഷണ റിപ്പോർട്ട് കൈമാറി. പിന്നാലെയാണ് അദ്ധ്യാപകനെ അന്വേഷണ വിധേയമായി മെഡിക്കൽ ബോർഡ് സസ്പെൻഡ് ചെയ്യുകയായിരുന്നു.