![fuel-price](https://thekarmanews.com/wp-content/uploads/2021/02/fuel-price.jpg)
രാജ്യത്ത് ഇന്ധനവില വീണ്ടും വര്ധിപ്പിച്ചു. ഇക്കഴിഞ്ഞ 23 ദിവങ്ങള്ക്കിടെ 17 തവണയാണ് ഇന്ധനവില വര്ധിപ്പിച്ചത്. ഇതോടെ കൊച്ചിയിലെ ഇന്നത്തെ പെട്രോള് വില ലിറ്ററിന് 91 രൂപ 9 പൈസയായി. ഡീസലിന് ലിറ്ററിന് 85 രൂപ 76 പൈസയായി. പെട്രോളിന് 35 പൈസയും ഡീസലിന് 37 പൈസയുമാണ് ഇന്ന് വര്ധിപ്പിച്ചത്.
നിലവിൽ, ഇന്ധന വിലയിലെ കേന്ദ്ര നികുതിയുടെ ഭാഗം കുറയ്ക്കാനാകില്ലെന്നാണ് കേന്ദ്ര സര്ക്കാരിന്റെ പക്ഷം. വരും ദിവസങ്ങളിലും പെട്രോളിന്റെയും ഡീസലിന്റെയും വില വര്ധിക്കുമെന്നാണ് വിവരങ്ങള്. ക്രൂഡ് ഓയിലിന്റെ വില വര്ധിക്കുന്നതാണ് ഇന്ധനവില വര്ധനവിന് പ്രധാന കാരണം.
അതേസമയം, പെട്രോളിന്റെയും ഡീസലിന്റെയും പ്രതിദിനമുള്ള വര്ധനവില് ദുരിതത്തിലാണ് സാധാരണക്കാര്. തുടര്ച്ചയായ ഇന്ധന വിലക്കയറ്റത്തിനൊപ്പം നിത്യോപയോഗ സാധനങ്ങളുടെ വിലയും കുതിച്ചുയരുകയാണ്. ദിനംപ്രതി ഇന്ധനവില ഉയരുന്ന പ്രവണത തുടര്ന്നാല്, അവശ്യവസ്തുക്കളുടെ വിലക്കയറ്റത്തില് സാധാരണജനങ്ങളുടെ ജീവിതം കൂടുതല് ദുസഹമാകും.