ബെര്‍ലിന്‍: താലിബാന് അഫ്ഗാനെ കീഴടക്കി കൊടുംക്രൂരത തുടരുമ്ബോള്‍ ദുരിതത്തിലാകുന്നത് സാധാരണക്കാ . കുടിയേറാന്‍ രാജ്യങ്ങളുടെ കനിവ് തേടിയലയുന്ന അഫ്ഗാനികളുടെ വാര്‍ത്തയാണ് ഇപ്പോള്‍ ലോക ശ്രദ്ധ പിടിച്ചുപറ്റുന്നത്. അത്തരത്തിലൊരു വാര്‍ത്തയാണ് സോഷ്യല്‍ മീഡിയയില്‍ ചര്‍ച്ചയാവുന്നത്. 2020ല്‍ ജര്‍മ്മനിയിലേക്ക് കുടിയേറിയ അഫ്ഗാന്‍ മന്ത്രിസഭയിലെ മുന്‍ അംഗം ഇന്ന് ജര്‍മ്മനിയിലെ പിസ ഡെലിവറി ബോയിയാണ്. അന്നത്തെ പ്രധാനമന്ത്രി ഗനിയുമായി പ്രശ്നങ്ങളുണ്ടായതിന് തുടര്‍ന്ന് 2020ലാണ് സയിദ് അഹ്മദ് സാദത്ത് മന്ത്രി പദം രാജിവെച്ച്‌ ജര്‍മ്മനിയിലെത്തുന്നത്.
ആദ്യഘട്ടത്തില്‍ കൈയ്യിലുണ്ടായിരുന്ന പണം ഉപയോഗിച്ച്‌ ചിലവുകള്‍ മുന്നോട്ടു നീക്കി. എന്നാല്‍ പണം മുഴുവന്‍ തീര്‍ന്നതോടെയാണ് താന്‍ സൈക്കിളില്‍ പിസ ഡെലിവറി ചെയ്യാന്‍ ആരംഭിച്ചതെന്ന് മുന്‍ മന്ത്രി പറയുന്നു. ഇദ്ദേഹം പിസ ഡെലിവറി ചെയ്യുന്ന ചിത്രങ്ങള്‍ ട്വിറ്ററില്‍ വ്യാപകമായി പ്രചരിക്കുന്നുണ്ട്. അഫ്ഗാന്‍ കുടിയേറ്റക്കാരുടെ ജീവിതത്തെക്കുറിച്ചും ആശങ്ക ഉയരുന്നതിനിടെയാണ് പുതിയ ചര്‍ച്ചകള്‍ പുരോഗമിക്കുന്നത്. `2018-ല്‍ അഫ്ഗാന്‍ സര്‍ക്കാരിന്റെ വാര്‍ത്താവിനിമയ വിഭാഗം മന്ത്രിയായിരുന്നു സയിദ് അഹ്മദ് സാദത്ത്.
