അമല പോളിന്റെ മുൻ ഭർത്താവും തമിഴ് സിനിമ സംവിധായകനുമായ എ എൽ വിജയിക്കും ഭാര്യക്കും ആൺകുട്ടി ജനിച്ചു. നടി അമലാ പോളുമായുള്ള ദാമ്പത്യം വേർപിരിഞ്ഞ വിജയ് ഡോക്റ്ററായ ഐശ്വര്യയെയാണ് വിവാഹം ചെയ്തത്.
ഇപ്പോഴിതാ ദമ്പതികൾക്ക് കുഞ്ഞ് പിറന്നതായി റിപ്പോർട്ടുകൾ വരുന്നു. ഇന്ന് രാവിലെ ചെന്നൈയിലെ സ്വകാര്യ ആശുപത്രിയിൽ വെച്ചായിരുന്നു ഐശ്വര്യ ആൺ കുഞ്ഞിന് ജന്മം നൽകിയത്.
അമ്മയും കുഞ്ഞും സുഖമായിരിക്കുന്നുവെന്നും റിപ്പോർട്ടുകൾ വന്നിരുന്നു. ഏഎൽ വിജയുടെ സഹോദരനും നടനുമായ ഉദയ ആണ് സന്തോഷ വാർഷ സോഷ്യൽ മീഡിയയിലൂടെ അറിയിച്ചത്. കഴിഞ്ഞ വർഷം ജൂലായ് 11നായിരുന്നു വിജയും ഐശ്വര്യയും വിവാഹിതരായത്. വിജയ് തന്നെയായിരുന്നു തന്റെ വിവാഹ കാര്യം മാധ്യമങ്ങളെ അറിയിച്ചിരുന്നത്.
വീട്ടുകാർ ആലോചിച്ചുറപ്പിച്ച വിവാഹത്തിൽ അടുത്ത ബന്ധുക്കൾ മാത്രമാണ് പങ്കെടുത്തത്. വിവാഹ വിവരം വ്യക്തമാക്കിക്കൊണ്ട് എഎൽ വിജയ് നേരത്തേ വാർത്താക്കുറിപ്പ് പുറത്തിറക്കിയിരുന്നു. 2014 ജൂൺ 12നായിരുന്നു അമല പോളുമായുള്ള വിവാഹം. 
ഒരു വർഷത്തെ കുടുംബ ജീവിതത്തിന് ശേഷം ഇവർ വേർപിരിയുകയായിരുന്നു. വിജയ് സംവിധാനം ചെയ്ത ദൈവ തിരുമകൾ, തലൈവ എന്നീ ചിത്രങ്ങളിൽ അമല നായികയായിട്ടുണ്ട്. ജയലളിതയുടെ ജീവിതം പറയുന്ന തലൈവിയാണ് വിജയയുടെതായി അണിയറയിൽ ഒരുങ്ങുന്ന പുതിയ ചിത്രം. തലൈവിയായി എത്തുന്നത് ബോളിവുഡ് താരം കങ്കണ റാവത്താണ്.
