മലയാളികളുടെ പ്രിയപ്പെട്ട അവതാരകയും ബിഗ്‌ബോസ് മത്സരാര്‍ത്ഥിയുമായിരുന്ന എലീന പടിക്കല്‍ നീണ്ട പ്രണയത്തിനൊടുവില്‍ മാസങ്ങള്‍ക്ക് മുമ്പാണ് വിവാഹിതയായത്. രോഹിത്ത് പ്രദീപാണ് എലീനയുടെ ഭര്‍ത്താവ്. ഇരുവരുടെയും വിവാഹവും പ്രണയവുമൊക്കെ വാര്‍ത്തയായിരുന്നു. ഇപ്പോള്‍ വിവാഹ ശേഷം ഭര്‍ത്താവായ രോഹിത്തിനെ കുറിച്ചുള്ള കാര്യങ്ങളുമായി നടി വീണ്ടും രംഗത്ത് എത്തിയിരിക്കുകയാണ്. പ്രണയിച്ച് നടന്നിരുന്ന കാലത്ത് ആഗ്രഹങ്ങളെല്ലാം രോഹിത്ത് ഇപ്പോള്‍ നിറവേറ്റി കൊണ്ടിരിക്കുകയാണെന്ന് ഒരു യൂട്യൂബ് ചാനലിന് നല്‍കിയ അഭിമുഖത്തില്‍ എലീന പറയുന്നു. ഭര്‍ത്താവ് എന്ന നിലയില്‍ രോഹിത്ത് ഒരേ പൊളിയാണെന്നും തങ്ങളുടെ ജീവിതത്തിലേക്ക് പുതിയൊരു അതിഥി കൂടി വന്നിട്ടുണ്ടെന്നുമെല്ലാം താരം വ്യക്തമാക്കുന്നു.
കല്യാണം കഴിഞ്ഞ് കോഴിക്കോട് വന്നതോടെ ഇവിടുത്തെ മകളായി കൊണ്ടിരിക്കുകയാണ്. രോഹിത്തും ഞാനും തമ്മില്‍ ലവ് റിലേഷന്‍ ആയിരുന്നു. ഏഴ് വര്‍ഷം പ്രണയത്തിലായിരുന്നു. ഇപ്പോള്‍ അതില്‍ നിന്നും കുറച്ച് കൂടി അടിപൊളിയായി. പുറത്ത് പോകാന്‍ വീട്ടുകാരുടെ അനുവാദം ഇപ്പോള്‍ വാങ്ങേണ്ടതില്ല. ഞങ്ങള്‍ക്ക് ഒത്തിരി സ്വാതന്ത്ര്യം ലഭിച്ചു. പിന്നെ ഒന്നിച്ചിരിക്കാന്‍ ഒരുപാട് സമയം കിട്ടുന്നുണ്ട്. എപ്പോഴും കൂടെ ഉള്ളത് കൊണ്ട് മെസേജ് അയച്ച് ബുദ്ധിമുട്ടേണ്ടതില്ല, ഫോണ്‍ വിളികളും കുറഞ്ഞു. എല്ലാവരോടും എനിക്ക് പറയാനുള്ളത് ചെറിയ പ്രായത്തില്‍ തന്നെ കല്യാണം കഴിക്കുക എന്നതാണ്.
നമുക്ക് ചേരുന്ന വ്യക്തിയാണെന്ന് മനസിലായി കഴിഞ്ഞാല്‍ സാമ്പത്തികവും ഉണ്ടെങ്കില്‍ വേഗം കല്യാണം കഴിക്കാം. ചെറുപ്പത്തിലേ ഉള്ള കല്യാണം ആണെങ്കില്‍ നമുക്ക് ആ കുടുംബം ഇങ്ങനെ വളര്‍ത്തി കൊണ്ട് വരാന്‍ പറ്റും. ഞങ്ങള്‍ രണ്ട് പേരും അത്രയ്ക്ക് പക്വത ഉള്ളവരല്ല. നിങ്ങളെ കൊണ്ട് ആവുമോന്ന് പലരും ചോദിച്ചിട്ടുണ്ട്. അതേ കുട്ടിത്തം ഞങ്ങള്‍ കൊണ്ട് നടക്കുന്നുണ്ട്. അതിനൊപ്പം പക്വതയായി കൊണ്ടിരിക്കുകയാണ്.
പങ്കാളി എന്ന നിലയില്‍ രോഹിത് അടിപൊളിയാണ്. സ്വന്തം ഭര്‍ത്താവിനെ കുറിച്ച് ഇങ്ങനെ പൊക്കി പറയാന്‍ പാടില്ല. എന്നാലും ഞാന്‍ പറയുകയാണ്. അദ്ദേഹം വളരെ മനോഹരമായ വ്യക്തിയാണ്. നമ്മള്‍ ഓരോരുത്തര്‍ക്കും ഓരോന്ന് പറയാന്‍ ഉണ്ടാവും. എന്നെ സംബന്ധിച്ചിടത്തോളം രോഹിത്ത് അടിപൊളിയാണ്. ഭര്‍ത്താവ് എന്ന നിലയില്‍ പൊളിയാണ്. ഇങ്ങനെ ഒക്കെ ആവുമെന്ന് ഞാന്‍ സ്വപ്നത്തില്‍ പോലും വിചാരിച്ചിട്ടില്ല. പെട്ടെന്നൊരു സുപ്രഭാതത്തില്‍ കുറച്ച് കൂടി മെച്ച്യൂഡ് ആയി. സ്നേഹിച്ച സമയത്ത് എന്തൊക്കെയാണോ പറഞ്ഞിട്ടുള്ളത്, അതൊക്കെ ഇപ്പോള്‍ പാലിച്ച് കൊണ്ടേ ഇരിക്കുകയാണ്. ആ കാര്യത്തില്‍ ഞാന്‍ ഭാഗ്യവതിയാണ്. തിരിച്ച് എന്നെ കുറിച്ച് ചോദിക്കാത്തത് നന്നായി.
