![Untitled-1](https://thekarmanews.com/wp-content/uploads/2021/05/Untitled-1-6.jpg)
മലയാളികളുടെ പ്രിയപ്പെട്ട നടിയാണ് അനാര്ക്കലി മരിക്കാര്. സോഷ്യല് മീഡിയകളില് ഏറെ സജീവമാണ് നടി. കഴിഞ്ഞ ദിവസമാണ് താരം ഡാന്സ് ചെയ്യുന്ന വീഡിയോ പങ്കുവെച്ചത്. ഈ വീഡിയോയ്ക്ക് കീഴിലായി സദാചാര കമന്റുമായി നിരവധി പേര് എത്തി. ഇത്തരക്കാര്ക്ക് വായടപ്പിക്കുന്ന മറുപടി നല്കിയിരിക്കുകയാണ് നടി. കഴിഞ്ഞ ദിവസമാണ് അമേരിക്കന് ഗായിക കാര്ഡി ബിയുടെ ‘അപ്പ്’ എന്ന ഗാനത്തിന് ഡാന്സ് ചെയ്യുന്ന വീഡിയോ അനാര്ക്കലി പങ്കുവെച്ചത്. അതിന് താഴെ ഒരാള് കമന്റ് ചെയ്തത് നീയൊക്കെ തുണിയിട്ട് ലൈക്ക് വാങ്ങടി എന്നായിരുന്നു.
ഈ കമന്റ് ശ്രദ്ധയില് പെട്ട അനാര്ക്കലി അധികം വൈകാതെ മറുപടിയുമായി രംഗത്ത് എത്തി. വെറുതെ വീട്ടിലിരുന്ന് ഇങ്ങനെ തെറി വിളിക്കുന്നത് നിങ്ങള്ക്ക് സന്തോഷം തരുന്നുണ്ടെങ്കില് നിങ്ങളുടെ നിലവാരം എവിടെപ്പോയെന്ന് ചിന്തിക്കണമെന്നാണ് അനാര്ക്കലി ഈ കമന്റിനോട് പ്രതികരിച്ചിരിക്കുന്നത്. ഫോളോവേഴ്സിന്റെ എണ്ണം കൂട്ടുന്നതിന് വേണ്ടിയല്ലേ ഹോട്ട് ചിത്രങ്ങള് പോസ്റ്റ് ചെയ്യുന്നത് എന്ന് ചോദിക്കുന്നവര്ക്ക് നടി അവരുടെ വായടപ്പിക്കുന്ന മറുപടിയാണ് നല്കുന്നത്.
അനാര്ക്കലിയുടെ പ്രതികരണം: ‘കഴിഞ്ഞ ദിവസം ഞാന് ഡാന്സ് കളിക്കുന്ന വിഡിയോ പോസ്റ്റ് ചെയ്തിരുന്നു, അതു 10 ലക്ഷം ആളുകള് കണ്ടു. ഞാനങ്ങനെ ഡാന്സ് വിഡിയോകളൊന്നും പോസ്റ്റ് ചെയ്യുന്നയാളല്ലാത്തതു കൊണ്ട് എനിക്ക് സന്തോഷമായി. പക്ഷേ ആ വിഡിയോയെക്കുറിച്ച് ആളുകള് പറയുന്ന അഭിപ്രായം എന്താണെന്നു അറിയാന് വേണ്ടി വെറുതെ കമന്റുകള് വായിച്ചു നോക്കാമെന്നു വച്ചു. ഒരുപാട് മോശം അഭിപ്രായങ്ങളും തെറിവിളികളുമായിരുന്നു കമന്റ് ബോക്സ് നിറയെ. ഇതൊക്ക കണ്ടതോടെ ആകെ വിഷമമായി.
വെറുതെ വീട്ടിലിരുന്ന് ഇങ്ങനെ തെറി വിളിക്കുന്നത് നിങ്ങള്ക്ക് സന്തോഷം തരുന്നുണ്ടെങ്കില് നിങ്ങളുടെ നിലവാരം എവിടെപ്പോയെന്നു ചിന്തിക്കുക. ‘നീ ഒക്കെ തുണി ഇട്ടിട്ട് ലൈക്ക് വാങ്ങെടി’എന്നൊരു കമന്റ് കണ്ടു. !നിങ്ങളൊക്കെയെല്ലേ ലൈക്ക് ചെയ്യുന്നത്. ഞാന് തുണി ഉടുത്തത് ഇഷ്ടപ്പെട്ടില്ലെങ്കില് ലൈക്ക് ചെയ്യേണ്ട. കുറെ ആളുകള് ചോദിച്ചു ഫോളോവേഴ്സിനെ കൂട്ടാനല്ലേ ഹോട്ട് ചിത്രങ്ങള് പോസ്റ്റ് ചെയ്യുന്നതെന്ന്? അതെ ഫോളോവേഴ്സ് കൂടാന് തന്നെയാണ്. പക്ഷേ നിങ്ങളതില് വീഴുന്നുണ്ടല്ലോ. അത് ആദ്യം ചിന്തിക്കുക.’