നിയമസഭ തിരഞ്ഞെടുപ്പ് അടുത്തതിനുപിന്നാലെ നിരവധി താരങ്ങളാണ് തങ്ങളുടെ രാഷ്ട്രീയ നിലപാട് വ്യക്തമാക്കിയത്. നടൻ ധർമ്മജൻ ബോൾഗാട്ടി കോൺഗ്രസിലേക്ക് പോയതിനുപിന്നാലെ രമേശ് പിഷാരടി ഇടവേള ബാബു മേജർ രവി എന്നിവർ കോൺഗ്രസിലേക്കെത്തിയിരുന്നു. പിന്നാലെ ബിജു മേനോനും സുരാജ് വെഞ്ഞാറമൂടും കോൺഗ്രസിലേക്കെത്തുമെന്ന പ്രരണവും ഉണ്ടായി,
മലയാളികളുടെ പ്രീയപ്പെട്ട നടി അനുശ്രി കോൺഗ്രസിലേക്കെന്ന പോസ്റ്റുകൾ ഇപ്പോൾ സോഷ്യൽ മീ‍ഡിയയിൽ വൈറലാണ്. തദ്ദേശ തിരഞ്ഞെടുപ്പിൽ സുഹൃത്തും കോൺഗ്രസ് സ്ഥാനാർത്ഥിയുയമായിരുന്ന റിനോയ് വർഗ്ഗീസിനുവേണ്ടി അനുശ്രി പ്രരണത്തിനെത്തിയിരുന്നു.
ഇതായിരിക്കാം ഇങ്ങനെ ഒരു പോസ്റ്റർ പ്രത്യക്ഷപ്പെടാൻ കാരണം. ഇപ്പോളിതാ പവ്യാജവാർത്തകൾക്കെതിരെ രംഗത്തെത്തിയിരിക്കുകയാണ് താരം.
ധർമ്മജൻ ഇഫക്റ്റ് തുടരുന്നു. അനുശ്രിയും കോൺഗ്രസിലേക്ക് എന്ന കാപ്ക്ഷനോടെയുള്ള പോസ്റ്ററാണ് സമൂഹമാധ്യമത്തിൽ പ്രചരിക്കുന്നത്. ‘എന്റേത് കോൺഗ്രസ് കുടുംബമാണ്. യുഡിഎഫ് സ്ഥാനാർത്ഥികളുടെ വിജയത്തിനായി രംഗത്തിറങ്ങും’ എന്ന് അനുശ്രിയുടേത് പോലുള്ള വാക്കുകളും പോസ്റ്ററിൽ ഉണ്ട്. ഈ പോസ്റ്റർ പങ്കുവെച്ചായിരുന്നു അനുശ്രിയുടെ പ്രതികരണം.’ഈ ആൾക്കാർക്കൊന്നും ഒരു പണിയും ഇല്ലേ? അറിയാൻ പാടില്ലാഞ്ഞിട്ട് ചോദിക്കുവാ. വേറെ വാർത്തയൊന്നും കിട്ടാനില്ലേ? കഷ്ടം’. എന്നാണ് ഇൻസ്റ്റാഗ്രാമിൽ എഴുതിയത്.
