മലയാളികൾക്ക് പ്രിയപ്പെട്ട നടിയാണ് അപർണ ബാലമുരളി. തന്റെ അഭിപ്രായങ്ങൾ ഏത് വേദിയിലും വ്യക്തമാക്കുന്ന താരം എന്ന നിലയിലും അപർണ എപ്പോഴും പ്രേക്ഷകശ്രദ്ധ നേടാറുണ്ട്. ഒരു പൊതു പരിപാടിയിൽവെച്ച്‌ തന്റെ കൈയ്യിൽ കയറി പിടിച്ച വ്യക്തിയോട് പ്രതികരിച്ചതും ഏറ്റവും നല്ല ഉദാഹരണമാണ്.
ഇപ്പോഴിതാ തന്റെ തനിച്ചുള്ള ജീവിതത്തെ കുറിച്ച് സംസാരിക്കുകയാണ് അപർണ. ഇപ്പോൾ താൻ തനിച്ചാണ് ജീവിക്കുന്നതെന്നും ആദ്യമൊന്നും തന്നെ ഒറ്റയ്ക്ക് ഒരു വീട്ടിൽ താമസിക്കാൻ അച്ഛനും അമ്മയും സമ്മതിച്ചിരുന്നില്ലെന്നും ഒറ്റക്ക് ചെയ്യുന്ന പല കാര്യങ്ങളെ കുറിച്ചും തനിക്ക് അറിയില്ലായിരുന്നുവെന്നും അപർണ പറയുന്നു.
രക്ഷിതാക്കൾ ഒപ്പമില്ലെങ്കിൽ സ്വയം എങ്ങനെ ജീവിക്കാൻ കഴിയുമെന്ന് അറിയാനാണ് ഇപ്പോൾ തനിച്ച് ഒരു വീട്ടിൽ താമസിക്കുന്നത്. കല്യാണം കഴിച്ചാൽ ഭർത്താവിന്റെ വീട്ടിലേക്ക് പോകേണ്ടി വരും ചിലപ്പോൾ ആ സ്റ്റേജിൽ ഫൈറ്റ് ചെയ്യേണ്ടി വരുമെന്നും അതെല്ലാം മാറാനാണ് ഒറ്റക്ക് ജീവിക്കാൻ ആഗ്രഹിച്ചതെന്നും അപർണ പറയുന്നു.
