19 മത്സരാര്‍ഥികളുമായി ബിഗ് ബോസ് മലയാളം സീസണ്‍ 6 ആരംഭിച്ചപ്പോള്‍ അക്കൂട്ടത്തില്‍ പ്രേക്ഷകരുടെ പരിചിതമുഖങ്ങളിലൊന്നായിരുന്നു അപ്സര രത്നാകരന്‍. സാന്ത്വനം എന്ന ജനപ്രിയ പരമ്പരയിലെ ജയന്തി എന്ന കഥാപാത്രം തന്നെ അതിന് കാരണം. ടോപ്പ് 5 പ്രെഡിക്ഷന്‍ ലിസ്റ്റുകളില്‍ മിക്കപ്പോഴും ഒഴിവാക്കാനാവാത്ത സാന്നിധ്യമായി. എന്നാല്‍ നിരവധി സര്‍പ്രൈസുകള്‍ ഇതിനകം സംഭവിച്ച സീസണ്‍ 6 ലെ മറ്റൊരു സര്‍പ്രൈസ് ആയി അപ്സര എവിക്റ്റഡ് ആയിരിക്കുകയാണ്. പുറത്തായതിന് ശേഷം അപ്സര പറഞ്ഞ വാക്കുകളാണ് ഇപ്പോൾ ശ്രദ്ധ നേടുന്നത.
എന്റെ ജീവിതത്തിൽ ഒരുപാട് സങ്കടപ്പെട്ട ഒരു വ്യക്തിയാണ് ഞാൻ. അതിനൊക്കെ ഉള്ള മറുപടിയായി ഈശ്വരൻ തന്ന ആനുഗ്രഹമായിട്ടാണ് ഞാൻ ഈ പ്ലാറ്റ്ഫോമിനെ കാണുന്നത്. 100 ദിവസം നില്ക്കാൻ ആണ് ആഗ്രഹിച്ചത്. ജീവിതത്തിൽ ഇനിയും ഉയരങ്ങളിൽ എത്തണം എന്നാണ് ആഗ്രഹം. സൗഹൃദത്തിന് ഞാൻ അത്രയും പ്രാധാന്യം കൊടുക്കുന്ന ആളാണ്. അതിൽ രസ്മിനോടാണ് ഏറ്റവും കൂടുതൽ ഇഷ്ടം തോന്നിയത്. അവൾ അത്രയും സിന്സിയര് ആയ വ്യക്തിയാണ്.
എനിക്ക് നല്ല ഇഷ്ടം ഉള്ള ആളുകൾ എന്നോട് എന്തെങ്കിലും ചെയ്താൽ സഹിക്കില്ല. അതുപോലെ ആയിരുന്നു എനിക്ക് അർജുൻ. തുടക്കത്തിൽ ജാസ്മിനോട് ഇഷ്ടക്കേട് ഉണ്ടായിരുന്നു, എന്നാൽ എനിക്ക് അവളെയും ഇഷ്ടമാണ്. സായി ചേട്ടനെ കുറിച്ച് ഒരു മുൻ ധാരണ ഉണ്ടായിരുന്നു. എന്നാൽ ആള് പാവം ആണ്. ജിന്റോ ചേട്ടന്റെ രീതികൾ ഇഷ്ടം അല്ലെങ്കിലും വ്യക്തി എന്ന നിലയിൽ നല്ലൊരു മനുഷ്യൻ ആണ്. ഋഷിയും അൻസിബയും ആയുള്ള ബന്ധം അത്ര ജെനുവിന് ആണെന്ന് തോന്നിയിട്ടില്ല
