മഞ്ഞുരുകും കാലത്തിലെ രമ്യയായും, ഭാഗ്യജാതകത്തിലെ മാധുരിയായും, പൂക്കാലം വരവായിലെ സപ്തതിൊക്കെയായും, ഒരുപിടി നല്ല കഥാപാത്രങ്ങൾകൊണ്ട് ചുരുങ്ങിയ കാലയളവിൽ പ്രേക്ഷകഹൃദയം കീഴടക്കിയ താരമാണ് ആരതി സോജൻ. എറണാകുളം വൈപ്പിൻ സ്വദേശിയായ ആരതി എഞ്ചിനീയറായി ബിരുദം നേടിയ യുവ നടി കൂടിയാണ്. സോഷ്യൽ മീഡിയയിൽ സജീവമായ താരം പങ്ക് വയ്ക്കുന്ന പോസ്റ്റുകൾ ഏറെ ആരാധക ശ്രദ്ധ പിടിച്ചുപറ്റാറുണ്ട്. ആരതിയുടെ വിശേഷങ്ങൾ അതിവേഗമാണ് ആരാധകർ ഏറ്റെടുക്കുന്നത്. താര്ത്തനി‍റെ പുത്തൻ അഭിമുഖമാണ് ഇപ്പോൾ ശ്രദ്ധ നേടുന്നത്.
ഞാൻ വിവാഹിതയായിരുന്നുവെന്ന കാര്യത്തെക്കുറിച്ച് പലർക്കും അറിയില്ല. 2017ലായിരുന്നു അത്. 2018 ൽ ഞങ്ങൾ വേർപിരിഞ്ഞു. കുടുംബാംഗങ്ങളുടെ അറിവോടെയാണ് പിരിഞ്ഞത്. അത് കഴിഞ്ഞിട്ടിപ്പോൾ നാല് വർഷമായി. പബ്ലിക് ഫിഗറായി നിൽക്കുമ്പോൾ വിവാഹം കഴിച്ചിട്ടില്ലെന്ന് കള്ളം പറയാനാവില്ല. ഇന്നല്ലെങ്കിൽ നാളെ അത് പുറത്തുവരും.
21ാം വയസിൽ കല്യാണം കഴിച്ച് 22ാം വയസിൽ പിരിയുകയായിരുന്നു. ഇതേക്കുറിച്ച് അറിയാത്തവരോടെയാണ് ഇപ്പോൾ പറയുന്നത്. ഞാനിത് രഹസ്യമാക്കി വെച്ചുവെന്ന് നാളെ പറയരുത്. നാളെ ചിലപ്പോൾ വേറെ വിവാഹം ചെയ്‌തേക്കാം. ഒരു പെൺകുട്ടി വിവാഹം കഴിച്ചാലും ഇല്ലെങ്കിലും ചീത്തപ്പേര് ഉണ്ടായേക്കാം. എന്തായാലും ഉടനെയൊന്നും വിവാഹത്തിന് പ്ലാനില്ല.
കരിയറിന് കുറേക്കൂടി പ്രാധാന്യം നൽകണമെന്നാണ് കരുതുന്നത്. അമ്മയ്ക്ക് ജോലിയുണ്ടായിരുന്നു. പലർക്കും ജോലിയാക്കി കൊടുക്കുന്നതും കണ്ടിട്ടുണ്ട്. എന്നാൽ സ്വന്തം മക്കൾക്ക് നല്ലൊരു ജോലി കൊടുക്കാനായില്ലല്ലോ എന്ന് പറയാറുണ്ട്. അമ്മയുടെ ഇഷ്ടപ്രകാരമായാണ് എന്റെ വിവാഹം നടത്തിയത്. അത് ഇങ്ങനെയായിത്തീർന്നതിൽ വിഷമം ഉണ്ടായിരുന്നുവെങ്കിലും ഇപ്പോൾ അമ്മ സന്തോഷവതിയാണ്.
ഇന്നത്തെക്കാലത്ത് വിവാഹമോചനം വലിയ സംഭവമൊന്നുമല്ല. ആരെ വിവാഹം ചെയ്താലും അവരുടെ ഉള്ളൊന്നും നമുക്ക് കയറി നോക്കാൻ പറ്റൂലല്ലോ, എത്ര അഡ്ജസ്റ്റ് ചെയ്താലും ശരിയാവണമെന്നില്ല. അങ്ങനെ പോവുന്നവർ ഭാഗ്യവാൻമാർ എന്നേ ഞാൻ പറയൂ. നാളെ ഞാൻ വിവാഹം കഴിക്കുകയാണെങ്കിൽ ആ സമയത്ത് ഇതൊന്നും പറഞ്ഞ് വരാതിരിക്കാനായാണ് ഇതൊക്കെ ഇപ്പോൾ വിശദീകരിച്ചതെന്നും താരം പറഞ്ഞിരുന്നു.
