![stay alert](https://thekarmanews.com/wp-content/uploads/2020/01/stay-alert.jpg)
കൊറോണ വൈറസ് രോഗം സംസ്ഥാനത്ത് സ്ഥിരീകരിച്ചു. ചൈനയിലെ വുഹാന് സര്വകലാശാലയില് നിന്നു മടങ്ങിയെത്തിയ വിദ്യാര്ഥിക്കാണ് രോഗം സ്ഥിരീകരിച്ചതെന്ന് വാര്ത്താ ഏജന്സിയായ എഎന്ഐ റിപ്പോര്ട്ട് ചെയ്തു. വിദ്യാര്ഥി നിരീക്ഷണത്തിലാണെന്നും നില തൃപ്തികരമാണെന്നും റിപ്പോര്ട്ടില് പറയുന്നു. രാജ്യത്തു തന്നെ ആദ്യമായി സ്ഥിരീകരിക്കുന്ന കൊറോണ ബാധയാണിത്.
ലോകത്തിന്റെ വിവിധ ഭാഗങ്ങളില് കൊറോണ വൈറസ് വ്യാപിച്ചത് ചൈനയില് നിന്നായതുകൊണ്ട് ചൈനയില് നിന്നും വന്നവര് ജാഗ്രത തുടരണമെന്ന് ആരോഗ്യ മന്ത്രി കെ.കെ. ശൈലജ ടീച്ചര് ഇന്നലെ അറിയിച്ചിരുന്നു. ചൈനയില് നിന്നും വരുന്നവര് മറ്റ് സ്ഥലങ്ങളിലേക്ക് യാത്ര ചെയ്യാതെ വീടിനുള്ളില് ആരുമായും സമ്ബര്ക്കമില്ലാതെ ഒരു മുറിയില് 28 ദിവസം കഴിയണമെന്നും മന്ത്രി പറഞ്ഞു. പനി, ചുമ, ശ്വാസതടസ്സം എന്നീ രോഗലക്ഷണങ്ങള് കാണുകയാണെങ്കില് ജില്ലകളില് സജ്ജമായിരിക്കുന്ന പ്രത്യേക ചികിത്സാ സംവിധാനവുമായി ബന്ധപ്പെട്ട ശേഷം അവിടെ എത്തണം. ചികിത്സാ സംവിധാനങ്ങളുടെ വിശദവിവരങ്ങള് ദിശ 0471 2552056 എന്ന നമ്ബരില് ലഭ്യമാണ്.
സംസ്ഥാനത്ത് 806 പേര് നിരീക്ഷണത്തിലാണെന്ന് മന്ത്രി അറിയിച്ചു. അതില് 10 പേര് മാത്രമാണ് ആശുപത്രിയില് ചികിത്സയിലുള്ളത്. 796 പേര് വീട്ടിലെ നിരീക്ഷണത്തിലാണ്. ഇതുവരെ 19 പേരെയാണ് ആശുപത്രിയില് പ്രവേശിപ്പിച്ചത്. അതില് 9 പേരെ ഡിസ്ചാര്ജ് ചെയ്തു. 16 പേരുടെ സാമ്ബിളുകള് പരിശോധനയ്ക്കായി പൂന വൈറോളജി ഇന്സ്റ്റിറ്റിയൂട്ടിലേക്ക് അയച്ചിട്ടുണ്ട്. അതില് 10 പേര്ക്കും കൊറോണ രോഗബാധയില്ലെന്ന് സ്ഥിരീകരിച്ചു. 6 പേരുടെ ഫലം വരാനുണ്ടെന്നും മന്ത്രി അറിയിച്ചു.
വൈറസ് പടരുന്നത് തടയാന് വിമാനത്താവ ളത്തില് വിപുലമായ ക്രമീകരണങ്ങള് ഏര്പ്പെടുത്തി. ഇമിഗ്രേഷന് കൗണ്ടറിന് സമീപം പ്രത്യേക ഹെല്ത്ത് ഡെസ്ക് തുറന്നു. തെര്മല് ക്യാമറകളും സജ്ജമാക്കി. ജീവനക്കാ ര്ക്കെല്ലാം ഗ്ലൗസുകളും മാസ്കുകളും നല്കുകയും ചെയ്തിട്ടുണ്ട്. കൊറോണ വൈറസിനെതിരെ ആരോഗ്യ വകുപ്പ് എല്ലാ മുന്കരുതലും സ്വീകരിച്ചു വെന്നും സംസ്ഥാനത്ത് ആശങ്ക പ്പെടേണ്ട സാഹചര്യമില്ലെന്നും ആരോഗ്യമന്ത്രി കെ.കെ. ഷൈലജ. നിലവില് സംസ്ഥാനത്ത് 288 പേര് നിരീക്ഷണത്തിലുണ്ടെന്നും ആരോഗ്യവകുപ്പ് അറിയിച്ചു. കൊറോണ വൈറസ് പടരുന്ന സാഹചര്യത്തില് എല്ലാ മെഡിക്കല് കോളജിലും ഐസൊലേഷന് വാര്ഡ് ഒരുക്കിയിട്ടുണ്ട്. ജനങ്ങള് പൂര്ണമായും സഹകരിക്കണമെന്നും ആരോഗ്യമന്ത്രി നേരത്തെ ആവശ്യപ്പെട്ടിരുന്നു.
ചൈനയ്ക്ക് പുറമെ ഹോങ്കോങ്, തായ്വാന്, തായ്ലന്ഡ്, വിയറ്റ്നാം, മലേഷ്യ, സിങ്കപ്പൂര്, നേപ്പാള്, ജപ്പാന്, ദക്ഷിണ കൊറിയ, മക്കാവു, ഓസ്ട്രേലിയ, ഫ്ളാന്സ്, അമേരിക്ക എന്നിവിടങ്ങളിലാണ് രോഗബാധ ഇതുവരെ സ്ഥിരീകരിച്ചിരിക്കുന്നത്. കൊറോണ വൈറസ് ശരീരത്തില് പ്രവേശിച്ചാല് 14 ദിവസത്തിനുള്ളില് രോഗ ലക്ഷണങ്ങള് കാണും. 14 ദിവസമാണ് ഇന്ക്യുബേഷന് പിരീഡായി കണക്കാക്കുന്നത്. വൈറസ് പ്രവര്ത്തിച്ചുതുടങ്ങിയാല് രണ്ടോ നാലോ ദിവസം വരെ പനിയും ജലദോഷവുമുണ്ടാകും. തുമ്മല്, ചുമ, മൂക്കൊലിപ്പ്, ക്ഷീണം, തൊണ്ടവേദന എന്നിവയും ഉണ്ടാകും.
ശരീര സ്രവങ്ങളില് നിന്നാണ് രോഗം പടരുന്നത്. തുമ്മുമ്പോഴും ചുമയ്ക്കുമ്പോഴും വായില് നിന്ന് പുറത്തേക്ക് തെറിക്കുന്ന സ്രവങ്ങളുടെ തുള്ളിയില് വൈറസുകള് ഉണ്ട്. വായും മൂക്കും മൂടാതെ തുമ്മുമ്പോഴും ചുമയ്ക്കുമ്പോഴും ഇവ വായുവിലേക്ക് പടരുകയും അടുത്തുള്ളവരിലേക്ക് വൈറസുകള് എത്തുകയും ചെയ്യും. വൈറസ് സാന്നിധ്യമുള്ളയാള…സ്പര്ശിക്കുമ്ബോഴോ അയാള്ക്ക് ഹസ്തദാനം നല്കുകയോ തുമ്മുമ്പോഴും ചുമയ്ക്കുമ്പോഴും രോഗം മറ്റെയാളിലേക്ക് പടരാനുള്ള സാധ്യതയും കൂടുതലാണ്.