കൊച്ചി. എല്‍ദോസ് കുന്നപ്പിള്ളി എംഎല്‍എയ്‌ക്കെതിരെ കൂടുതല്‍ തെളിവുകള്‍ പോലീസ് ശേഖരിക്കുന്നു. തിരുവനന്തപുരം പേട്ടയിലെ പരാതിക്കാരിയുടെ വീട്ടില്‍ നിന്നും എല്‍ദോസിന്റെ വസ്ത്രം ക്രൈംബ്രാഞ്ച് കണ്ടെത്തി. അതേസമയം എംഎല്‍എ ഏഴ് സ്ഥലങ്ങളില്‍ വെച്ച് തന്നെ ബലാത്സംഗം ചെയ്തതായിട്ടാണ് പരാതിക്കാരി പറയുന്നത്. അതിന്റെ അടിസ്ഥാനത്തില്‍ പോലീസ് പരാതിക്കാരിയുമായി ബലാത്സംഗം നടന്ന സ്ഥലങ്ങളില്‍ എത്തി തെളിവെടുപ്പ് നടത്തി. തിരുവനന്തപുരം കേന്ദ്രീകരിച്ചാണ് തെളിവെടുപ്പ് നടന്നത്.
കോവളത്തെ ഗസ്റ്റ് ഹൗസിലും ഹോട്ടലിലും എത്തിച്ച് തെളിവെടുപ്പ് നടത്തി. തിങ്കളാഴ്ച പേട്ടയിലെ വീട്ടിലെത്തിച്ചും തെളിവെടുപ്പ് നടത്തി. അവിടെ നിന്നും എല്‍ദോസ് കുന്നപ്പിള്ളിയുടെ ടീ ഷര്‍ട്ട് പോലീസ് കണ്ടെത്തി. ബലാത്സംഗം നടന്ന ദിവസം പേട്ടയിലെ വീട്ടിവല്‍ എത്തിച്ചപ്പോള്‍ ഉപയോഗിച്ച വസ്ത്രം എന്ന നിലയിലാണ് ക്രൈംബ്രാഞ്ച് ടീ ഷര്‍ട്ട് കസ്റ്റഡിയില്‍ എടുത്തത്.
പെരുമ്പാവൂരിലെ എംഎല്‍എയുടെ വീട്ടിലും ചൊവ്വാഴ്ച തെളിവെടുപ്പ് നടത്തും. വീട്ടില്‍ വെച്ച് പീഡനത്തിന് ഇരയായതായി പരാതിയില്‍ പറയുന്നുണ്ട്. ബലാത്സംഗംക്കേസിലെ പരാതിക്കാരിയുമായി തിരുവനന്തപും ജില്ലാ ക്രൈംബ്രാഞ്ച് സംഘമാണ് പെരുമ്പാവൂരെലെ വീട്ടില്‍ തെളിവെടുപ്പ് നടത്തുന്നത്. അതേസമയം എല്‍ദോസ് കുന്നപ്പിള്ളിയെ കണ്ടെത്തുവാന്‍ പോലീസിന് കഴിഞ്ഞിട്ടില്ല. അന്വേഷണം നടത്തുന്നുണ്ടെന്ന് മാത്രമാണ് പോലീസ് പറയുന്നത്.
