![fake-account](https://thekarmanews.com/wp-content/uploads/2020/11/fake-account.jpg)
ഐജി പി വിജയന്റെ പേരില് വ്യാജ ഫേസ്ബുക്ക് അക്കൗണ്ട് ഉണ്ടാക്കിയ സംഭവത്തില് പ്രായപൂര്ത്തിയാകാത്ത ഒരാള് പിടിയിലായി. ഐജിയുടെ പേരില് വ്യാജ ഫേസ്ബുക്ക് അക്കൗണ്ട് നിര്മ്മിച്ച് അതു വഴി പണം തട്ടിയെന്ന് പൊലീസ് സ്ഥിരീകരിച്ചിരുന്നു. ഇതേത്തുടര്ന്ന് നടത്തിയ അന്വേഷണത്തിലാണ് പ്രതി പിടിയിലായത്.
രാജസ്ഥാന് സ്വദേശിയാണ് പിടിയിലായത്. സംഘത്തില് കൂടുതല് പേരുണ്ടെന്നാണ് പോലീസിന്റെ വിലയിരുത്തല്. ലഭ്യമായ വിവരങ്ങളുടെ അടിസ്ഥാനത്തില് തിരുവനന്തപുരം സിറ്റി സൈബര് െ്രെകം പൊലീസ് ഒരാഴ്ച്ച രാജസ്ഥാന് കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് ഇയാളെ പിടികൂടിയത്. സംഭവത്തില് കൂടുതല് അന്വേഷണം നടക്കുകയാണ്.