മഹാരാഷ്ട്രയിലെ താനെയില് സ്വകാര്യ ആശുപത്രിയിലെ തീപിടിത്തത്തില് നാലു രോഗികള് മരിച്ചു. ബുധനാഴ്ച പുലര്ചെ 3.40 മണിയോടെ മുമ്ബ്രയിലെ കൗസയിലുള്ള പ്രൈം ക്രിട്ടിക്കെയര് ആശുപത്രിയിലായിരുന്നു സംഭവം. ആശുപത്രിയുടെ രണ്ടാം നിലയിലാണ് തീപിടിത്തമുണ്ടായത്.
അഗ്നിരക്ഷാസേനയുടെ മൂന്ന് യൂണിറ്റും അഞ്ച് ആംബുലന്സുകളും സ്ഥലത്തെത്തി തീയണച്ചു. ഐസിയുവില് ഉണ്ടായിരുന്ന ആറ് പേരുള്പ്പെടെ 20 രോഗികളെ ഒഴിപ്പിച്ചു. ആശുപത്രിയില് കോവിഡ് രോഗികള് ആരും ഉണ്ടായിരുന്നില്ലെന്ന് അധികൃതര് അറിയിച്ചു.
അപകടത്തില് മരിച്ചവരുടെ കുടുംബത്തിന് അഞ്ച് ലക്ഷം രൂപ വീതം ധനസഹായം നല്കുമെന്ന് മുഖ്യമന്ത്രി ഉദ്ധവ് താക്കറെ അറിയിച്ചു. പരിക്കേറ്റവര്ക്ക് ഒരുലക്ഷം രൂപ വീതവും നല്കും. സംഭവത്തെക്കുറിച്ച് ഉന്നതതല സമിതി അന്വേഷിക്കുമെന്നും മുഖ്യമന്ത്രി അറിയിച്ചു.