![sindhu death new](https://thekarmanews.com/wp-content/uploads/2022/04/sindhu-death-new.jpg)
മാനന്തവാടി: മാനന്തവാടി സബ് ആര്.ടി. ഓഫീസ് ജീവനക്കാരി ആത്മഹത്യ ചെയ്യാനിടയായ സാഹചര്യത്തില് കൂട്ട സ്ഥലം മാറ്റത്തിന് ശുപാര്ശ. ഓഫിസിലെ 11 പേരെ ജില്ലയ്ക്ക് അകത്തും പുറത്തുമായി സ്ഥലം മാറ്റണമെന്നാണ് ഡെപ്യൂട്ടി ട്രാന്സ്പോര്ട്ട് കമ്മിഷ്ണറുടെ നിര്ദേശം. അന്തിമ അന്വേഷണ റിപ്പോര്ട്ട് ട്രാന്സ്പോര്ട്ട് കമ്മിഷണര്ക്ക് കൈമാറി.
മാനന്തവാടി സബ് ആര്.ടി ഓഫീസ് ജീവനക്കാരി സിന്ധു ആത്മഹത്യ ചെയ്യാനുണ്ടായ കാരണം സഹപ്രവര്ത്തകരുടെ മാനസിക പീഡനമെന്നായിരുന്നു കുടുംബത്തിന്റെ ആരോപണം. ഇത് തെളിയിക്കുന്ന സിന്ധുവിന്റെ ഡയറികുറിപ്പുകളും പോലീസ് കണ്ടെത്തി. ഇതോടെയാണ് ഗതാഗത വകുപ്പ് മന്ത്രി അന്വേഷണത്തിന് ഉത്തരവിട്ടത്.
ഡെപ്യൂട്ടി ട്രാന്സ്പോര്ട്ട് കമ്മിഷണറുടെ പ്രാഥമിക റിപ്പോര്ട്ടിന്റെ അടിസ്ഥാനത്തില് ആരോപണവിധേയയായ ജൂനിയര് സൂപ്രണ്ട് അജിത കുമാരി നിര്ബന്ധിത അവധിയിലാണ്. അന്തിമ റിപ്പോര്ട്ട് സമര്പ്പിച്ചതോടെ കൂടുതല് ഉദ്യോഗസ്ഥര്ക്കെതിരെ നടപടിയുണ്ടാകുമെന്നാണ് സൂചന.