ബിജെപി നേതാവ് അബ്ദുള്ളക്കുട്ടിയെ കൊലപ്പെടുത്തണമെന്ന് ആഹ്വാനം ചെയ്തുകൊണ്ടുള്ള വീഡിയോ സോഷ്യല്‍മീഡിയയില്‍ പ്രചരിക്കുന്നു. മലബാര്‍ കലാപം നയിച്ച വാരിയം കുന്നനെ താലിബാന്‍ തലവന്‍ എന്ന് വിളിച്ചതിലുള്ള പ്രതിഷേധമാണ് വീഡിയോയ്ക്ക് പിന്നിലെന്നാണ് കരുതുന്നത്. സമൂഹമാധ്യമത്തില്‍ പങ്ക് വച്ച വീഡിയോയിലൂടെയാണ് കൊലവിളി.
വീഡിയോയില്‍ കൊലവിളി നടത്തുന്നയാള്‍ ആരാണെന്ന് വ്യക്തമായിട്ടില്ല. അവസരം വന്നാല്‍ താന്‍ തന്നെ അബ്ദുള്ളക്കുട്ടിയുടെ കഴുത്തറക്കുമെന്നാണ് ഇയാള്‍ വീഡിയോയില്‍ പറയുന്നത്. സംഭവം ഗൗരവമുള്ളതെന്നും അന്വേഷിക്കണമെന്നും അബ്ദുള്ളക്കുട്ടി പ്രതികരിച്ചു.
