കണ്ണൂര്‍. വ്യാഴാഴ്ച കണ്ണൂര്‍ സെന്‍ട്രല്‍ ജയിലില്‍ കാപ്പാ തടവുകാര്‍ ചേരിതിരിഞ്ഞ് ഏറ്റുമുട്ടി. കോട്ടയം സ്വദേശികളായ ജയേഷ്, അബിന്‍, സുജേഷ് എന്നിവരടങ്ങിയ സംഘം എറണാകുളം സ്വദേശികളായ ശ്രീജിത്ത് ബിലാല്‍, കണ്ണൂര്‍ സ്വദേശി അതുല്‍ ജോണ്‍ റൊസാരിയോ എന്നിവരുടെ സംഘവുമാണ് ഏറ്റുമുട്ടിയത്.
സംഭവത്തെ തുടര്‍ന്ന് രണ്ട് തടവുകാരെ മറ്റുജയിലുകളിലേക്ക് മാറ്റി. സെട്രല്‍ ജയിലില്‍ ഏറ്റവും സുരക്ഷയുണ്ടായിരുന്ന പത്താം ബ്ലോക്കിലാണ് ഇവരെ താമസിപ്പിച്ചിരുന്നത്. വ്യാഴാഴ്ച ഭക്ഷണം കഴിക്കുവാന്‍ പുറത്തിറക്കിയപ്പോഴാണ് സംഭവം.
ഇവര്‍ തമ്മില്‍ തര്‍ക്കം ഉണ്ടാകുകയും തുടര്‍ന്ന് പരസ്പരം ഏറ്റ് മുട്ടുകയുമായിരുന്നു. തുടര്‍ന്ന് വാര്‍ഡന്‍ ഇടപെട്ടാണ് പ്രശ്‌നം പരിഹരിച്ചത്. അക്രമസംഭവത്തെ തുടര്‍ന്ന് ജയേഷിനെ ജില്ലാ ജയിലിലേക്കും അബിനെ സ്‌പെഷ്യല്‍ സബ് ജയിലിലേക്കും മാറ്റി.
