![lpg](https://thekarmanews.com/wp-content/uploads/2021/03/lpg.jpg)
ന്യൂഡല്ഹി: രാജ്യത്ത് പാചകവാതക വില വീണ്ടും വര്ധിപ്പിച്ചു. ഗാര്ഹിക സിലിണ്ടറിന് 25 രൂപയാണ് കൂട്ടിയത്. ഇതോടെ കൊച്ചിയില് സിലിണ്ടറിന് വില 826 രൂപയായി.
വാണിജ്യസിലിണ്ടറിന് നൂറുരൂപയാണ് വര്ധിപ്പിച്ചത്. 1618 രൂപയാണ് വാണിജ്യ സിലിണ്ടറിന്റെ വില. രാജ്യത്ത് പെട്രോള്, ഡീസല് വില വര്ധനക്കൊപ്പമാണ് ജനങ്ങള്ക്ക് ഇരുട്ടടിയായി അടിക്കടിയുള്ള പാചക വാതക വില വര്ധനയും.
മൂന്നുമാസത്തിനിടെ 200 രൂപയാണ് ഗാര്ഹിക സിലിണ്ടറിന് മാത്രം കൂടിയത്. ഫെബ്രുവരി രണ്ടിന് 25 രൂപയും 14ന് 50 രൂപയും 25ന് 25രൂപയും കൂട്ടിയിരുന്നു. പാചക വാതക വില ഉയരുന്നതിനെതിരെ പൊതുജനങ്ങളില്നിന്ന് വ്യാപക പ്രതിഷേധം ഉയരുന്നുണ്ട്.
എണ്ണക്കും പ്രകൃതി വാതകത്തിനും അന്താരാഷ്ട്ര വിപണിയിലുണ്ടായ വില വര്ധനയാണ് കാരണമായി എണ്ണകമ്ബനികള് ചൂണ്ടിക്കാണിക്കുന്നത്. എന്നാല് വില
കുറയുമ്പോള് കുറക്കാന് തയാറാകാത്തത് പ്രതിഷേധത്തിന് കാരണമാകുന്നു. കൂടാതെ ഗാര്ഹിക സിലിണ്ടറിന്റെ സബ്സിഡി സംബന്ധിച്ചും എണ്ണക്കമ്പനികള്
മൗനം തുടരുകയാണ്.