മലയാള മിനിസ്‌ക്രീന്‍ പ്രേക്ഷകരുടെ പ്രിയ താരങ്ങളായ ചന്ദ്ര ലക്ഷ്മണും ടോഷ് ക്രിസ്റ്റിയും ഇന്നലെയാണ് വിവാഹിതര്‍ ആയത്. കൊച്ചിയില്‍ നടന്ന ചടങ്ങില്‍ വളരെ അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്. സ്വന്തം സുജാത എന്ന പരമ്പരയില്‍ ചന്ദ്രയും ടോഷും ഒരുമിച്ച് അഭിനയിക്കുന്നുണ്ട്. ഈ പരമ്പരയിലെത്തിയപ്പോഴുണ്ടായ പരിചയമാണ് പ്രണയത്തിലേക്ക് മാറിയതും വിവാഹിതര്‍ ആയതും. പരമ്പരയിലെ താരങ്ങല്‍ വിവാഹത്തില്‍ പങ്കെടുത്തിരുന്നു.
റിസപക്ഷനില്‍ ആടിപ്പാടുന്നതിന്റെ ചിത്രങ്ങളും വീഡിയോയുമെല്ലാം ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. പ്രിയ മേനോനും കിഷോര്‍ സത്യയും സ്വപ്ന ട്രീസയും രാജീവ് രംഗനുമെല്ലാം നവദമ്പതികള്‍ക്ക് ആശംസ അറിയിച്ചെത്തിയിരുന്നു. ഈ സന്തോഷം എന്നും ജീവിതത്തില്‍ നിലനില്‍ക്കട്ടെയെന്നായിരുന്നു ആരാധകര്‍ പറഞ്ഞത്.
സുജാതയെ ആദം കെട്ടി. ഏറെ സന്തോഷമുള്ള ഒരു ദിനം. രണ്ട് പ്രിയപ്പവട്ടവര്‍ ഇന്ന് ജീവിതത്തില്‍ ഒന്നിച്ചു. സ്വന്തം സുജാത അതിനൊരു നിമിത്തമായതില്‍ ഒരുപാട് സന്തോഷം. ചന്ദ്രക്കും ടോഷിനും ഹൃദയം നിറഞ്ഞ വിവാഹ ആശംസകള്‍ എന്നായിരുന്നു കിഷോര്‍ സത്യ കുറിച്ചത്. നവദമ്പതികള്‍ക്കൊപ്പമുള്ള ഫോട്ടോയും കിഷോര്‍ സത്യ പോസ്റ്റ് ചെയ്തിരുന്നു.
സ്വന്തം സുജാതയുടെ 100ാമത്തെ എപ്പിസോഡിലായിരുന്നു ടോഷ് ക്രിസ്റ്റി എത്തിയത്. മാസങ്ങളായി അദ്ദേഹത്തെ അടുത്തറിയാം. നേരത്തെ ആര്‍ടിസ്റ്റ് എന്ന രീതിയില്‍ അദ്ദേഹത്തെ അറിയാമായിരുന്നു. ഈ സെറ്റില്‍ വെച്ചാണ് പരിചയപ്പെട്ടതും സുഹൃത്തുക്കളായി മാറിയത്. ഇരുവീട്ടുകാരും തമ്മില്‍ അറിയാവുന്നവരാണ്. അവര്‍ക്ക് എന്നെ നല്ല കാര്യമായിരുന്നു. എന്റെ വീട്ടുകാര്‍ക്ക് ടോഷേട്ടനേയും കാര്യമാണ്, അങ്ങനെയാണ് ഞങ്ങളുടെ വിവാഹം തീരുമാനിച്ചത്. നല്ലൊരു മനുഷ്യനാണ് ടോഷേട്ടന്‍. എല്ലാവരേയും സന്തോഷത്തോടെ കൊണ്ടുപോകാന്‍ അദ്ദേഹത്തിന് കഴിയും. എല്ലാവരോടും ബഹുമാനമുള്ള പെരുമാറ്റവുമാണ്. അതാണ് തന്നെ ആകര്‍ഷിച്ചതെന്നും നേരത്തെ ചന്ദ്ര പറഞ്ഞിരുന്നു.
