ബിഗ്‌ബോസ് മലയാളം സീസണ്‍ മൂന്ന് പാതി വഴിയില്‍ ഉപേക്ഷിച്ചിരിക്കുകയാണ്. കോവിഡ് രണ്ടാം തരംഗത്തെ തുടര്‍ന്ന് എട്ട് മത്സരാര്‍ത്ഥികളും അഞ്ച് ദിവസങ്ങളും മാത്രം ബാക്കി നില്‍ക്കെയാണ് പരിപാടി നിര്‍ത്തിയത്. മത്സരാര്‍ത്ഥികള്‍ എല്ലാം കഴിഞ്ഞ ദിവസം ചെന്നൈയില്‍ നിന്നും കേരളത്തില്‍ തിരികെ എത്തിയിരുന്നു. തിരികെ എത്തിയ മത്സരാര്‍ത്ഥികളുടെ വിശേഷങ്ങള്‍ അറിയാന്‍ ആരാധകര്‍ കാത്തിരിക്കുകയാണ്. ഷോയില്‍ നിന്നും തിരികെ എത്തിയ മണിക്കുട്ടന് തന്റെ ഉറ്റ സുഹൃത്തുക്കളായ നടി ശരണ്യ മോഹനെയും ഭര്‍ത്താവ് അരവിന്ദ് കൃഷ്ണനെയും കണ്ടിരുന്നു.
നേരത്തെ അരവിന്ദ് കൃഷ്ണന്‍ മണിക്കുട്ടനെ പിന്തുണച്ച് സംസാരിക്കുകയും മണിക്കുട്ടന് വേണ്ടി സോഷ്യല്‍ മീഡിയയിലൂടെ വോട്ട് അഭ്യര്‍ത്ഥിക്കുകയും ചെയ്തിരുന്നു. ഇപ്പോള്‍ അരവിന്ദന്‍ പകര്‍ത്തിയ ശരണ്യയുടെയും മണിക്കുട്ടന്റെയും വീഡിയോ ആമ് സോഷ്യല്‍ മീഡിയകളില്‍ ഏറെ വൈറല്‍ ആകുന്നത്.
‘അപ്പോ സഹോ, എന്തായിരുന്നു എക്‌സ്പീരിയന്‍സ്’ എന്ന് ശരണ്യ ചോദിക്കുമ്പോള്‍ താളം പിടിച്ചുകൊണ്ട് വിജയ് നായകനായ മാസ്റ്റര്‍ എന്ന ചിത്രത്തിലെ ‘ലെറ്റ് മി സിംഗ് എ കുട്ടി സ്റ്റോറി’ എന്ന് പാട്ട് പാടുകയായിരുന്നു മണിക്കുട്ടന് ചെയ്തത്. ഇതോടെ എല്ലാം മനസ്സിലായി എന്ന് ആരാധകരും കമന്റില്‍ പറയുന്നു.
ബിഗ്‌ബോസില്‍ വലിയ പിന്തുണയാണ് മണിക്കുട്ടന് ലഭിച്ചത്. കിടിലം ഫിറോസുമായുള്ള പ്രശ്‌നങ്ങളും സൂര്യയ്ക്ക് തോന്നിയ പ്രണയവും ഡിംപിളുമായുള്ള സൗഹൃദവും ഒക്കെയായിരുന്നു മണിക്കുട്ടനെ സ്റ്റാറാക്കിയത്. അതേ സമയം ശേഷിക്കുന്ന എട്ട് മത്സരാര്‍ത്ഥികളില്‍ ഒരാളെ വോട്ടിങിലൂടെ ജനങ്ങള്‍ക്ക് തീരുമാനിക്കാം എന്നാണ് ബിഗ് ബോസ്സിന്റെ തീരുമാനം. ‘ഗെയിം ഇപ്പോഴും നടക്കുകയാണ്. അതുകൊണ്ട് കൂടുതലൊന്നും പറയുന്നില്ല. ആരാണ് അര്‍ഹതയുള്ളവര്‍ അവര്‍ക്ക് വോട്ട് ചെയ്യുക. എനിക്ക് കിട്ടിയാല്‍ സന്തോഷം’ എന്നാണ് തിരിച്ച് നാട്ടില്‍ എത്തിയപ്പോള്‍ മാധ്യമങ്ങളോട് പ്രതികരിക്കവെ മണിക്കുട്ടന് പറഞ്ഞത്.
