ഇംഫാല്‍. മണിപ്പൂരില്‍ കലാപകാരികളും സൈന്യനവും തമ്മിലുണ്ടായ ഏറ്റുമുട്ടലില്‍ ഒരാള്‍ കൊല്ലപ്പെട്ടു. കാങ്‌പൊക്പി ജില്ലയിലാണ് സംഭവം. കുക്കികളുടെ ഗ്രാമമായ ഹരോതെലില്‍ ആക്രമണം ഉണ്ടായതോടെ സൈന്യം ഇവിടെ എത്തുകയായിരുന്നു. വെടിവെപ്പ് രൂക്ഷമായതോടെ കൂടുതല്‍ സൈന്യം അവിടേക്ക് എത്തി.
വ്യാഴാഴ്ച രാവിലെ 9 മണിവരെ ഏറ്റുമുട്ടല്‍ തുടര്‍ന്നു. മെയ്‌തെയ് വിഭാഗത്തില്‍പ്പെട്ടയാളാണ് കൊല്ലപ്പെട്ടത്. സംഭവത്തില്‍ നിരവധി പേര്‍ക്ക് പരിക്കേറ്റതായിട്ടാണ് വിവരം. അതേസമയം കലാപം ഉണ്ടായ പ്രദേശത്ത് കോണ്‍ഗ്രസ് നേതാവ് രാഹുല്‍ ഗാന്ധി സന്ദര്‍ശനം നടത്തുകയാണ്.
