ചൈനയെ പിന്തളളി ലോകം കീഴടക്കാൻ ‘ഇന്ത്യയുടെ സ്മാർട്ട്ഫോണുകൾ വരുന്നു. പുത്തൻ ടെക്നോളജിയുടെ ലോകത്ത് ചടുല നീക്കവുമായി ‘മെയ്ഡ് ഇൻ ഇന്ത്യ’ സ്മാർട്ട്ഫോണുകൾ എത്തുകയാണ്. ഇതോടെ രാജ്യം വികസന കുതിപ്പിൽ എത്തുകയാണ്. ഇനി മുതൽ ആപ്പിൾ ഐഫോണിന് പിന്നാലെ ഗൂഗിൾ പിക്സലും ഇനി ഇന്ത്യയിൽ നിർമിക്കും. തായ്വാൻ നിർമാതാക്കളായ ഫോക്സ്കോൺ ടെക്നോളജി ഗ്രൂപ്പാണ് ഗൂഗിളിനായി ഫോണുകൾ നിർമിക്കുക. ചൈനയിൽ നിർമാണ ഫാക്ടറി ആരംഭിക്കുന്നായിരുന്നു ആദ്യ റിപ്പോർട്ടുകൾ. പിന്നീട് ഗൂഗിൾ തീരുമാനം മാറ്റുകയായിരുന്നു.
2023-ളാണ് ഇന്ത്യയിൽ പിക്സൽ 8 സ്മാർട്ട്ഫോണുകളുടെ നിർമാണം ആരംഭിക്കുമെന്ന് ഗൂഗിൾ പ്രഖ്യാപിച്ചത്. ഇതിന് പിന്നാലെയാണ് ഫോക്സ്കോണിന്റെ തമിഴ്നാട് യൂണിറ്റിൽ ഇതിനുള്ള പ്രാരംഭ പ്രവർത്തനങ്ങൾ ആരംഭിച്ചത്. സെപ്തംബർ മുതൽ ഫോണുകളുടെ ഉൽപാദനം ആരംഭിക്കും സമാന്തരമായി കയറ്റുമതിക്കും തുടക്കമിടും. ഇന്ത്യൻ കമ്പനിയായ ഡിക്സണിനും പിക്സൽ സ്മാർട്ട്ഫോണുകൾ നിർമിക്കാനുള്ള കരാർ ലഭിച്ചതായും സൂചനകളുണ്ട്.
കഴിഞ്ഞ ഓക്ടോബറിലാണ് പിക്സൽ 8, പിക്സൽ 8 പ്രോ എന്നീ സ്മാർട്ട് ഫോണുകളുടെ പ്രാദേശിക ഉത്പാദനം ഇന്ത്യയിൽ ആരംഭിക്കാനുള്ള താത്പര്യം ഗൂഗിൾ പ്രകടിപ്പിച്ചത്. മെയ്ക്ക് ഇൻ ഇന്ത്യ പദ്ധതിയുടെ ഭാഗമായാണ് പിക്സലിന്റെ നിർമാണം ഇന്ത്യയിൽ ആരംഭിക്കുകയെന്നാണ് നേരത്തെ ഗൂഗിൾ വ്യക്തമാക്കിയത്. ഇതിന്റെ ഭാഗമായാണ് ഗൂഗിൾ തമിഴ്നാട്ടിൽ നിർമ്മിക്കാനൊരുങ്ങുന്നത്. തായ്വാനീസ് കരാർ നിർമ്മാതാക്കളായ ഫോക്സ്കോൺ ടെക്നോളജി ഗ്രൂപ്പുമായി കൈകോർത്താണ് ഗൂഗിൾ പിക്സൽ ഫോണുകൾ നിർമിക്കുക.
കേന്ദ്ര സർക്കാരിന്റെ ഫ്ളാഗ്ഷിപ്പ് പ്രൊഡക്ഷൻ-ലിങ്ക്ഡ് ഇൻസെൻ്റീവ് (പിഎൽഐ) പദ്ധതി നിക്ഷേപകർക്ക് വൻ അവസരങ്ങളാണ് നൽകുന്നത്. ഇതുവഴി സ്മാർട്ട് ഫോണുകൾ പോലുള്ള ഇലക്ട്രോണിക് ഉപകരങ്ങളുടെ പ്രാദേശിക നിർമ്മാണം ഇന്ത്യ പ്രോത്സാഹിപ്പിക്കുന്നു. ചൈനയിൽ നിന്ന് നിർമാതാക്കളെ ആകർഷിക്കാനും ആഗോള ഉത്പാദന കേന്ദ്രമായി മാറുന്നുള്ള ഭാരതത്തിന്റെ ശ്രമങ്ങളുടെ ഭാഗമാണ് പുത്തൻ നീക്കങ്ങൾ.ആപ്പിളിന്റെ പുറത്തിറക്കാനിരിക്കുന്ന ഐഫോണ് 15 സ്മാര്ട്ഫോണുകളുടെ ഉല്പാദനം ആണ് ആദ്യ ഘട്ടത്തിൽ നിർമ്മിക്കുക.തമിഴ്നാട്ടിലെ ശ്രീപെരുംപുത്തൂരിലുള്ള ഫാക്ടറിയിലാണ് ഐഫോണ് 15 ഉത്പാദനം നടക്കുന്നത്. ചൈനയിലെ ഫാക്ടറികളില് നിന്നുള്ള ഫോണുകളുടെ ചരക്കുനീക്കം ആരംഭിച്ച് ആഴ്ചകള്ക്കുള്ളില് തന്നെ ഇന്ത്യയില് നിന്നുള്ള ഫോണുകളുടെ വിതരണവും ആരംഭിക്കുമെന്നാണ് വിവരം.
അടിയന്തിര സാഹചര്യങ്ങള് വിതരണ ശൃംഖലയെ ബാധിക്കാതിരിക്കുന്നതിനായി ചൈനയില് കേന്ദ്രീകരിച്ചിരുന്ന ഉത്പാദന ജോലികള് മറ്റ് രാജ്യങ്ങളിലേക്ക് വ്യാപിപ്പിച്ചുകൊണ്ടിരിക്കുകയാണ് ആപ്പിള്. അതില് കമ്പനി പ്രധാന പരിഗണന നല്കുന്ന രാജ്യമാണ് ഇന്ത്യ. ഐഫോണുകളുടെ വലിയൊരു വിപണി എന്ന നിലയിലും ഇന്ത്യയ്ക്ക് ആപ്പിള് പ്രാധാന്യം നല്കുന്നുണ്ട്.
ഐഫോണ് 14 ന് മുമ്പ് ചെറിയൊരു ഭാഗം ഐഫോണുകളുടെ സംയോജന ജോലികള് മാത്രമാണ് ആപ്പിള് ഇന്ത്യയില് വെച്ച് നടത്തിയിരുന്നത്. ഇപ്പോൾ ചൈനയിലെയും ഇന്ത്യയിലേയും ഉത്പാദന ജോലികൾ തമ്മിലുള്ള ഇടവേള കുറച്ച് ഇന്ത്യയില് നിന്നും ചൈനയില് നിന്നുമുള്ള ചരക്കുനീക്കം ഒരേ സമയ പരിധിയില് എത്തിക്കാനുള്ള ശ്രമത്തിലാണ് കമ്പനി.