തിരുവനന്തപുരം∙ സംസ്ഥാനത്ത് അഞ്ചു ദിവസം ഇടിമിന്നലോട് കൂടിയ മഴയ്ക്ക് സാധ്യത.
തെക്കന് അറബിക്കടലിന്റെ മധ്യഭാഗത്തും തെക്കു പടിഞ്ഞാറന് ബംഗാള് ഉള്ക്കടലില് തെക്കന് ആന്ധ്രാപ്രദേശ്, വടക്കന് തമിഴ്നാട് തീരത്തും ചക്രവാതച്ചുഴി നിലനില്ക്കുന്നതിന്റെ ഫലമായി സംസ്ഥാനത്ത് അഞ്ചു ദിവസം ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഏപ്രിൽ 18 മുതൽ 22 വരെയാണ് ഒറ്റപ്പെട്ടയിടങ്ങളിൽ മഴയ്ക്ക് സാധ്യതയുള്ളത്. ഏപ്രിൽ 18, 19 തീയതികളിൽ 30-40 കിലോമീറ്റർ വരെ വേഗതയുള്ള ശക്തമായ കാറ്റിന് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.