തിരുവനന്തപുരം: വേനല് മഴ കൂടുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി . ഇതിന്റെ ഫലമായി സംസ്ഥാനത്ത് ഇപ്പോള് അനുഭവപ്പെടുന്ന കടുത്ത ചൂടിന് ശമനമുണ്ടാകുമെന്നും കാലാവസ്ഥ വകുപ്പ് അറിയിച്ചു. അതിനിടെ, സംസ്ഥാനത്ത് അടുത്ത അഞ്ചു ദിവസം ഒറ്റപ്പെട്ട സ്ഥലങ്ങളില് ഇടിമിന്നലോട് കൂടിയ മഴയ്ക്ക് സാധ്യതയെന്ന് മുന്നറിയിപ്പില് പറയുന്നു.
ഏപ്രില് മാസത്തില് കേരളത്തില് സാധാരണയില് കൂടുതല് മഴ ലഭിക്കാനാണ് സാധ്യത. ഏപ്രില് മാസത്തില് സാധാരണ ലഭിക്കേണ്ട ശരാശരി മഴയുടെ അളവ് 105.1 മില്ലിമീറ്ററാണ്. മാര്ച്ച് മാസത്തില് വേനല് മഴ 45% അധികം ലഭിച്ചതായും കാലാവസ്ഥ വകുപ്പ് വ്യക്തമാക്കുന്നു.
പകല് താപനില പൊതുവെ സാധാരണയെക്കാള് കുറവ് അനുഭവപ്പെടാന് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു.